Ақындар елдікті жырлайды

Алматыдағы Достық үйінде Қазақстан Жазушылар одағы мен Қа­зақ­стан халқы Ассамблеясы бір­лесіп, «Мәңгілік елім менің – Вечная страна моя» атты кі­табының тұсаукесерін өткізді. Бұл кітап – достықты мұрат тұтқан еліміздің өзіндік поэ­зия гүл шоғы секілді. «Ан-Арыс» баспасынан шыққан жыр антологиясы елімізде тұратын түрлі этнос өкілдері арасынан шыққан 50 ақын өздері туып-өскен өңірлерді жырмен бейнелейді. Мәңгілік елдің ұландары көпұлтты әдебиетіміздің тынысын сездіреді. Олардың ана тілдерінде жазылған жырлардың басы бір кітапқа біріктіріліп, «Алтын қыран» халықаралық қайырымдылық қорының қолдауымен жарық көріп отыр. Шайырлар бас қосуы әр ұлттың ән-жырына ұласты. Оған қатысқан қаладағы этномәдени ұйымдардың мүшелері, белгілі ақын-жазушылар жырларын оқып, бірлік күшінің ынтымақта екенін паш етті. Достықтың қуатты әсері адамды бөлек бір мақтаныш сезіміне бөлейді. Сапарбай ПАРМАНҚҰЛОВ, «Егемен Қазақстан» АЛМАТЫ