Канаданың парламенттік делегациясымен кездесті

Мәжіліс Төрағасы Нұрлан Нығматулин Канада Парламенті Қауым­дас­тық­тар палатасының сыртқы істер және халық­аралық даму комитетінің төрағасы Роберт Нолт бастаған парламенттік делегациямен кездесті, деп хабарлады Мәжілістің баспасөз қызметі. Н.Нығматулин атап өткендей, бұл сапар – Қазақстан Канада­ның маңызды әріптестерінің бірі екендігінің жарқын көрсеткіші. Биыл – Канаданың 150 жылдық мерей­тойы. Әріптестерін осы айту­лы датамен құттықтаған Мәжі­ліс Төрағасы Канада хал­қы­на игілік пен гүлдену және табыс тілеген ізгі сәлемін жол­дады. Биыл қос мемлекет арасында дипломатиялық қарым-қатынас орнағанына 25 жыл толды. Н.Нығматулиннің пікірінше, Қазақ­стан Президенті Нұрсұлтан Назарбаев пен Канада Премьер-министрі Джастин Трюдоның былтыр Қытайда өткен «G20» Саммитінде кездесуі екіжақты саяси үнқатысу үшін маңызды орын алып отыр. Тараптар уран, мұнай-газ, ауыл шаруашылығы, сондай-ақ, білім беру мен туризм салаларына басымдық бере отырып, Қазақстан-Канада қа­рым-қатынасын дамытудың өзекті мәселелерін талқылады. Мәжіліс Төрағасы Қазақ­стан Президенті Нұрсұлтан Назарбаевтың «Қауіпсіз, әділ және өр­кендеген әлем құру үшін жаһандық әріптестікті нығайту жөніндегі Қазақстанның тұжы­рым­дамалық көзқарасы» атты БҰҰ Қауіпсіздік Кеңесіне арна­ған Саяси үндеуіне айрықша назар аударды. Бұл – ядролық қару­­сыз әлемді жақындату, жаһан­­дық соғыс қатерін болдыр­мау, Ауғанстандағы бейбіт­ші­лік­ке ықпалдасу, Орталық Азия­да бейбітшіліктің өңірлік ай­мағын қалыптастыру, БҰҰ қам­қорлығымен Жаһандық лаң­кес­тікке қарсы коалиция құру, деді өзінің сөзінде Н.Нығматулин. Сондай-ақ, ол: «Біз Кана­да­мен үнемі пікір алмасу, түр­лі халықаралық құры­лым­­дарда күштерімізді үйлес­тіру, бастамалар мен позиция­лары­мызды өзара қолдау жолымен халықаралық аренадағы іс-қимылымызды нығайтатын боламыз», – деді. Өз кезегінде мейман Қазақ­стан­ның қазіргі даму дең­ге­йін жоғары бағалай келіп: «Тәуелсіздік алған 25 жыл ішінде Қазақстан құқық үстем­дігі, плюрализм, мемлекет­тік қыз­метті реформалаумен қатар, көп­теген маңызды бағдар­ла­ма­­ларды жүзеге асырды. Біз әрқашанда Қазақстанды қол­даймыз», – деді. Тараптар парламентаралық байланысты тереңдету жайына да ерекше көңіл бөлді. Кездесу соңында Мәжіліс Төрағасы канадалық әріптесіне біздің елімізге ресми сапармен келу туралы шақыру жолдады.