Ғалымдар балмұздақтың денсаулыққа зияны барын анықтады

Америкалық ғалымдар балмұздақ пен оның құрамындағы қоспалары адам денсаулығына зиянды екенін анықтады. Бұл туралы mir24.tv хабарлады. Балмұздақ жүрек-қан тамырлары жүйесінің ауруын өршітетіндіктен мамандар тәтті тағамның зиянсыз түрін дайындауға кірісіп кетті. Мәліметтер бойынша оның ішіне инсульт пен жүрек талмасының алдын алатын, сондай-ақ суық температура кезінде де өзіндік қасиеттерін сақтап қалатын палифенол кіреді. Ол жаңғақтың, кептірілген жемістің және қара шоколадтың бір бөлігі болып есептеледі. Мамандар 14 еріктінің қатысуымен балмұздақты жаңғақпен және какаомен араластырып дәмін татқызған. Нәтижесінде, адам бойындағы қан айналымы мен физикалық қалпы жақсара түскен. Анализ жұмыстары аяқталғаннан кейін қан құрамында артерияны емдейтін оксид азотының көп бөлігі бар екендігі де белгілі болды. Сонымен қатар, профилактика ретінде күнделікті пайдалану үшін ғалымдар полифенолды дәрі күйінде әзірлеп шығуды ұсынып отыр.