Жаңа кәсіпорын

Ерінбегеннің еңбегі жана­ты­нын уақыт дәлелдеп отыр. Көксу ауданындағы Теректі елді мекенінде өндірістік қуаты жылына 25 мың тонна майбұр­шақ­ты өңдеуден өткізуге мүм­кіндік беретін «Экстра» жауапкершілігі шектеулі серіктестігі жұмыс істейді. Жұмысын бас­та­ғанына жыл толмаса да мұн­дағы нәтиже бірден көзге түседі. Серіктестік бүгінгі уақыт талабымен шетелдік құрал-жабдықтармен қамтылса, мамандар оны іскерлікпен мең­гер­генін көресің. Негізінен жұ­мыс толық автомат­танды­рыл­ған, оны бақылау мен өнім са­па­сына деген ынталылық ба­сым. Кәсіп­орында 50 адам үш ауысымда жұмыс істесе, олар­ға арнайы жасалған тамақ­та­на­тын, жуы­натын орын, демалыс бөлмесі жан-жақты жабдық­та­лып, қыз­мет етуде. Айлықтары  жақсы. Кәсіпорында күніне 50 тонна өнім шығарылады. Өнімнің та­за­лығы мен сапасын, ылғал­ды­лы­ғын тексеретін арнайы зертхана жұмыс істейді. Қап­талған өнім бірден тұтыну­шы­ға жөнел­ті­леді. Зауытта толық экспан­дер­ленген майбұршақ өң­деу­ден өт­кен­нен кейін май­дың са­пасы толық сақта­ла­тынын айтқан жөн. Майбұршақтың құрамында протейн мол әрі ақуызға бай. Өнім – негізінен жануарларға қажетті азық. Жемдегі май қыш­қылы мал мен құстың зат алмасуын жеделдетеді, ет алуына мүмкіндік береді. Зауыт өніміне деген тұ­ты­ну­шы сұранысы жоғары. Қазір олар Алматы қаласы мен Шы­ғыс Қазақстан облысына өз өнімдерін жөнелтуде. Ағымда­ғы жылы ұжым 14 мың тон­на­ға дейін өнім шығарып, өзге өңірлер­ге де тауарларын сауда­ла­мақшы. – Қазіргі кезде өз кәсібін ашқандарға барлық жағдай жасалуда. Зауытқа қажетті екі гек­тар жер телімі бөлініп, бастама қолдау тапқаны қуанта­ды. Ұжым тәуелсіздігіміздің мерейін өздерінің жақсы жұ­мыс­тарымен қарсы алу үшін еңбек етуде,– дейді зауыт басшысы Ербол Тоқтағұлов. Күмісжан БАЙЖАН. Алматы облысы.