Толағай тарту бір тоғызға жетті

Жұртшылық бұл жақсы ж­а­ңалықты облыс әкімі Бақытжан Сағынтаевтың қатысуымен өткен кеңестен кейін естіп-біліп қуанып қалғандары анық. Еліміздің тәуел­­сіздік алғанына 20 жыл толуы қар­саңында облыс бойынша бұл мереке мектептер мен балабақ­ша­лардың, денсаулық сақтау сала­сы­ның, клубтар мен спорттық ны­сан­дардың бой көтеріп, халық игі­лігіне берілуімен аталып өтіл­мек. Яғни, облыс ор­талығы, Екі­бас­тұз, Ақсу қалаларында әрқай­сы­сы 330 орындық үш бала­бақша пайдалануға беріледі. Сөйтіп, орын кезегін күтіп, үйлерінде отыр­ған бүлдіршіндер қуа­натын болды. Облыс әкімдігінде өткен кеңеске қатысқан білім басқарма­сының бас­тығы Бақыт Бек­сейіт­ованың айтуынша, осы күндері жұмыс жасап тұрған балабақша ғимараттарын қайта жаңартуға 500 миллион теңге қаржы бөлі­нетін болыпты. Сонымен қатар, облыс орталығында биылғы жы­лы тамыз айында 1200 орындық №16 жалпы білім беретін орта мектептің құрылысы аяқталмақ. Ең негізгісі, отын-энергетика са­ла­сы үшін салынып жатқан мамандар дайындау жөніндегі Екі­бас­тұздағы 700 орындық аймақ­ара­лық орталық оқу орны да алдағы қыр­күйек айында студенттер қа­был­дай­тын болса, қазан айын­да Железин ауданының Мың­көл ауылында 80 орындық жаңа мектеп пайда­лануға беріледі деп күтілуде. Ерекше бір жаңалық – биыл облыс орталығында химия-био­ло­гиялық бағытта білім беретін 720 орындық «Назарбаев зияткерлік мек­тебінің» құрылысы бас­та­ла­ды. Ал денсаулық сақтау бас­қар­ма­сының бастығы Ардақ Кү­зековтың баяндауынша, облыс­та­ғы Баян­ауыл, Кенжекөл, Бесжан ауылы мен қалаға жақын ор­на­ласқан кент­те жаңадан денсаулық сақтау нысандары салынатын бол­са, об­лыс­тық мәдениет бас­қар­масының бастығы Қанат Кә­рімовтің мәлім­деуінше, шалғай­дағы бірнеше ауыл­дың тұрғын­дары тәуелсіздік мерекесін жаңа клубтарда қарсы алмақ, сондай-ақ қосымша 31 ауылдың клуб­­тары­на күрделі жөндеу жұ­мыс­тары жүргізілетін болады. Бұл күндері облыс орталы­ғын­да халықаралық деңгейдегі спорт кешенінің құрылысы жүріп жатыр десек, оның құрылысын, бизнестің әлеуметтік саладағы жауап­кершілігі аясында «ҚазМұ­найГаз» ұлттық ком­паниясы қар­жыландыруда. Фарида БЫҚАЙ, Павлодар.