Бұл жаңа амбициялық бағдарлама қазақстандық стартаптардың сапасы мен олардың болашағына, әсіресе, жастар жобасына қатысты өзекті мәселелерді шешуге бағытталған.
Smart Zholy жобасының 10 финалисі өздерінің инновациялық жобасын Сингапурде болатын екі апталық бағдарлама аясында әлемнің жетекші технологиялық хабында азиялық ірі корпорациялар мен венчурлық қорлардың алдына ұсына алады.
Smart Zholy бағдарламасының жеңімпаздары әлемдік деңгейдегі сарапшылардың тікелей жетекшілігімен жаңа жобалар әзірлейді. Қазақстандық командалар сингапурлық стартап-экожүйесінің орталығы – атақты Block 71-де орналасады. Олар оралғаннан кейін өздерінің озық тәжірибесін елдің стартап-экожүйесіне енгізеді.
Smart Zholy бағдарламасы Оңтүстік Азиядағы Echelon Asia Summit жетекші стартап-алаңында әріптестік негізде жүзеге асырылады.
– Аталған жобаны іске асыру жастардың стартаптарын тек қана Қазақстанға емес, әлемдік нарыққа шығару, Мемлекет басшысының Жолдауында қойылған экономиканы жедел жаңғырту және цифрлық экономика құру міндетін орындай отырып, Астананы технологиялық картадағы жаңа нүкте ретінде көрсете білу, – дейді атқарушы директоры Қанат Жұмабаев.
Бағдарламаға қатысу үшін 2017 жылдың 12 сәуіріне дейін өтінім беру қажет. Бағдарлама туралы ақпарат және өтінім нысаны www.fpp.kz. сайтында орналастырылған.
Қазақстан Республикасы Тұңғыш Президенті – Елбасының Қоры аталған бағдарламаның 10 финалисінің қаржылық шығынын өтейді.
Жолдыбай БАЗАР,
«Егемен Қазақстан»
