Атап айтқанда, көлік мәселелері бойынша түзетулерге қатысты заң жобасын бірінші оқылымда, қорғаныс және әскери қызмет, өсімдіктер мен жануарлар дүниесі мәселелеріне қатысты өзгерістер екінші оқылымда қаралады деп күтілуде.
Сондай-ақ, Мәжіліс депутаттарының назарына Ислам Ынтымақтастығы Ұйымына мүше елдер арасындағы экономикалық, техникалық және сауда ынтымақтастығы туралы бас келісімге байланысты ратификациялық заң жобасы ұсынылмақ.
Сонымен қатар, Қазақстанның дипломатиялық қызметі туралы заңға өзгерістер мен толықтырулар енгізу туралы заң жобасы бойынша бейінді комитеттерге қорытынды әзірлеу мерзімі тағайындалатын болды.