Атап айтқанда, 1 мамырда мерекелік концерт мен халықтық серуен өтеді, концерт сағат 11:00-де «Қазақ елі» алаңындағы сахнада басталады. Ал қалалық алаңда Қазақстан эстрада жұлдыздарының қатысуымен концерт өтеді.
1 мамыр күні «Жастар» сарайының киноконцерт залында «Сәлем, Астана!» балалар шығармашылығының фестивалі өтеді. «Халықтар достығы» концерттік бағдарламасы Қоянды тұрғын алабында 1 мамыр күні өтеді.
2 мамырда елорда тұрғындары мен қонақтары «Рисуют дети мир» сурет байқауын тамашалай алады. Шара зағиптарға арналған кітапханада Таха Хусейн к-сі, 2/1 мекен-жайы бойынша өтеді. 30 сәуірден 5 мамырға дейінгі кезеңде С. Сейфуллин атындағы музейде қала тұрғындарына «Береке бастауы - бірлік, ел іші тату-тірлік» көрмесі ұсынылады.