Экономика тақырыбына екпін түсірілді

Алматыда БАҚ беттерінде экономика және бизнес мәсе­ле­лерін жариялап жүрген қазақ тілді журналистер үшін ақпа­рат­тық білім беру семинары бо­лып өтті. Семинарды Қазақстан баспасөз клубының қолдау көр­сетуімен Байланыс және ақпа­рат министрлігі ұйымдастырды. Мұндағы негізгі мақсат – қазақ тілді БАҚ беттерінде экономика мәселелерін жариялау тиімділігін арттыру, экономика тақыры­бы жөнінде дерек көзін табу және ақпарат іздеу бойынша журналистер дағдысын дамыту, мемлекеттік органдар баспасөз қызметі мен бұқаралық ақпарат құралдарының сындарлы әріп­тес­тігін құру. Семинар жұмы­сына іскерлік басылым журналистері, «general interest» (жал­пы қызығушылық) басылымда­рында экономика мәселелерін жариялайтын журналистер, ТВ және ақпараттық агенттіктер қызметкерлері мен бұқаралық медиа саласының сарапшылары қатысты. Спикерлердің баяндамала­рын­да еліміздегі макроэконо­ми­ка­лық жағдайға мемлекеттік ақша-несие саясатына және өзге де мәселелерге ерекше назар аударылды. Ұйымдастыру­шылар машықтандыру және іс-тәжірибе сабақтарын өткізіп, онда тың тақырыптар қарасты­рыл­ды. Олардың арасында – ақ­паратпен жұмыс жасау, ақ­параттың сәйкестілігін тексеру, сарапшыларды іздеу, сұхбатта­су техникасы, экономикалық журналистикадағы ақпараттық себептер, мәтінмен жұмыс жасау атты мәселелер бар. Соңғы уақытта БАҚ өкілде­рінің іскерлік ақпарат саласын­да өзінің біліктілігін арттыруға, экономика және оның заңды­лықтары, құралдары мен тетіктері жөніндегі білімдерін жүйе­леуге қатысты ұмтылыстары бай­қалуда, деп атап өтті семи­нар­ды ұйымдастырушылар. Ұйымдастырушылар осы іспеттес іс-шараларды өткізу БАҚ-тағы мемлекеттік тілде жа­рияланатын материалдардың са­пасын көтеруге және кәсіби қазақ тілді журналистиканы дамыту арқылы бәсекелестік ақпарат алаңын қалыптас­тыруға ықпал ететіндігіне сенімділігін білдірді. Бақыт БАЛҒАРИНА. Алматы.