11 Мамыр, 2011

Білім мен ғылымды ұштастырған

297 рет
көрсетілді
4 мин
оқу үшін
Жастардың алатын білікті білімі мен кемел келешегі – қай кезде де қоғамды көп толғандыратын мәселе. Бұл орайда қоғам өз  мұрасын, мәдениетін және құндылық­тарын одан әрі сақтау ретінде өскелең ұрпақ бойына сіңіруді мақсат тұтады. Ал өз кезегінде Қазақ бас сәулет-құрылыс академиясы тәр­бие­сі тәлімді, қабілеті қарымды, білікті де білімді түлектерді түлетіп ұшыру жолында үнемі ізденіс үстінде. Эко­номикалық өркендеу мен даму, әлем елдерінің арасы­нан лайықты орын алу тә­різді көкейкесті мәселелерді тал­қыға салған кезде мұн­дай мақсатқа қол жеткізуде жас­тардың шешуші рөл атқара­тыны анық. Халық саны мен оның өсуі елдің демографиялық ахуалы мәселесінде  ең көп талқыланатын тақырып бо­лып отыр. Бұл расында да күн тәртібінен түспейтін түйткіл. Ықпал ету деңгейі ха­лық санының көптігіне байланысты екені даусыз. Ал, қазіргі таңда – халық­тың  санымен қатар, сапасы­ да маңызды орынға шықты. Сон­дықтан  болашақ жас ма­­ман­ды жан-жақты етіп тәр­биелеп шығару парызымыз. Академиямыздың құры­лыс технологиялары, инфра­құрылым және менеджмент факультеті 2005 жылы құры­лыс технологиялары,  эко­но­­мика және менеджмент, инженерлік жүйелер және тіршілік әрекетінің қауіп­сіз­дігі факультеттерінің негізінде құрылды. Біз жастарға білім нәрін барынша сусын­датуға және өнегелі тәрбие беру жолында тынбай еңбек етеміз. Осы ретте Америка пре­зиденттерінің бірі айт­қан мы­на сөзді мысал етіп келтіру артық болмайды: «Америка бай ел болғандықтан амери­калық университеттер мық­ты болып тұрған жоқ, ол – аме­рикалық университеттер мық­ты болған­дықтан Америка бай ел болып отыр». Факультетіміз мына ма­ман­дықтар бойынша даяр­лай­ды: құрылыс материал­да­ры, бұ­йым­дары мен конс­трук­ция­ларын өндіру, ағаш өңдеу тех­нологиясы, құры­лыс ма­ман­дандырылуы бо­йынша құ­ры­лыс­тағы эконо­ми­ка және менеджмент (ҚЭМ), геодезия жә­не картография, эконо­мика. Біздің факультет құрыл­ған­нан бері 600-ден астам ма­ман даярланды. Жыл са­йын 20-25 түлек үлкен өмірге қадам басады. Олардың көп­шілігі жоғары лауазымды қызметтер атқарады. «НИИстроипроект» АҚ, «Ал­маты Құрылыс» филиал­дары оқу үрдісінің сапасын жоғарылатты. Ағаш өңдеу тех­нологиясы мамандығының оқы­тушы-профессорлық құ­ра­мы халықаралық және рес­публикалық конференцияларда, сонымен қатар ҚР жиһаз және ағаш өңдеу өнеркәсібі қызметкерлерінің ассоциа­ция­­сы өткізетін шараларға бел­сенді қатысады. Өндіріс­пен ты­ғыз байланыс жасай оты­рып студенттердің таныс­ты­ру және дипломалды тәжі­ри­бесін ұйымдастыру үшін факуль­теттің филиалдары ашылған. Факультет экономика, бухгалтерлік есеп және аудит, ұйым менеджменті (салалар бойынша), кәсіп­орын­дағы эко­номика және бас­қару, әлемдік экономика, ХЭҚ, ТКҚЭБ, бағалау (салалар жә­не қолдану аймақ­тары бойынша) мамандық­тары бо­йынша екі жарым мыңнан астам маман да­йындап шы­ғарды. Факультет студенттері ше­­­телдік оқу орындарында да сапалы білім алып, менеджменті сапалы әрі заманауи   компаниялар мен мекемелерде жұмыс істейді. Тә­жірибе жи­наған сауатты жас студенттер  саны артуда. Оқыту­шылары­мыз біліктіліктерін арттыру үшін Стокгольм қа­ласындағы Хан тех­никалық инсти­ту­тын­да және Венгрия университетінде екі жыл бойы «Темпус» Еуро­палық жобамен жұмыс істеді. Бүгінгі күні ҚазБСҚА студенттерінде толық компьютерлік техникамен жаб­дықталған екі тәжірибелік аудитория бар. Бұл олардың геоинформатика, геодезия, фотогремметрия және ара­лық әдістерді білуге мүм­кін­дік береді. ҚазБСҚА ма­гистранттары «Темпус» жо­басының басшысы, ХТИ про­фессоры Хуаан Фан жа­саған бағдарламамен оқиды. Оқытушылар Швеция және Венгрияда сынақтан өтті. Факультетімізде мақ­сат­ты білім берудің қажетті ау­қымын ұсыну және ең бас­тысы – оқыту, үйрету, алған білімді тәжірибе жүзінде іске асыру. Өйткені, білімді жастар – жарқын болашақ кепілі екені айдан анық. Алма ЕСПАЕВА, Қазақ бас сәулет-құрылыс академиясы құрылыс технологиялары, инфрақұрылым және менеджмент факультетінің деканы, техника ғылымдарының кандидаты.