Ынтымақтастық аясындағы әңгіме

Брюссельде құрамында сенатор Р.Ахметов, Мәжіліс депутаты С.Тоқпақбаев жә­не З.Алшымбаев, Қазақ­стан­ның Бельгиядағы елшісі Е.Өтембаев бар қазақ­стан­дық делегация Еуропа Парламентінің вице-президенті Либор Ручекпен кездесті. Кездесу барысында Қазақстан мен Еуропарламент арасындағы парла­мент­аралық ынтымақтас­тық­­­тың қазіргі жағдайы мен болашағы талқыланып, кейбір аймақтық мәселелер мен халықаралық жағдай қарастырылды. Қазақстан тарапынан жа­салып отырған әлеуметтік-экономикалық және саяси реформаларды жоғары ба­ға­лай отырып, Л.Ручек Еуро­парламенттің Қазақстанмен байланысын әрі қарай ны­ғайтуға мүдделілігін таныт­ты. Оның пікірінше, 15-16 маусым күндері Брюссельде өтетін ҚР-ЕО парламенттік ынтымақтастық ко­митетінің 10-шы отырысы ҚР мен ЕО арасындағы ын­тымақтастықтың жан-жақ­ты дамуына айтарлықтай үлес қосатын болады. Мұнай өндіру көлемінің ұлғаюына байланысты тараптар теңіздегі мұнай барлау мен бұрғылау жұмыс­тары барысында ортақ эко­логиялық стандарттар қа­былдау мен теңіз эколо­гия­лық тұтастығын сақтау жө­нінде тұрақты түрде тә­жі­рибе алмасу туралы ортақ пікірге келді. Сонымен қа­тар, заңнамалық норма мен ортақ өндірістік стандарт­тар­ды жетілдіру бойынша тәжірибе алмасу өзекті болып табылады. Әңгімелесуші тараптар Орталық Азия аймағын­да­ғы қауіпсіздікті қамтамасыз ету мен қолдау мәселесін де қозғады. Еуропа Парламенті вице-президенті Ау­ған­стан мен аймақтың және әлемнің басқа да елдеріне қажеттілік туындаған жағ­дай­да келісілген әскери емес көмек көрсету маңыз­дылығын ерекше атап өтті. «Егемен-ақпарат».