Кеше Қазақстан әуе толқынында «Классик» радиосы тұсауын кесті

Әлдиле, әсем музыка! Иә, кешеден бері ел тарихында және күллі Орталық Азия аймағында тұңғыш рет «Классик» жаңа радиостансасы іске қосылды. Бекзат музыкаға негізделген жаңа радио – Құрманғазы атындағы Қазақ ұлттық консерваториясы мен «Хабар» агенттігінің бірлескен медиа-жобасы болып табылады. Осы айтулы оқиғаға байла­ныс­ты сенбі күні  Құрманғазы атындағы  ұлттық консервато­рия­да баспасөз мәслихаты өтіп, жаңа радио толқынның жай-жапсары айтылып, тұсаукесер рәсімі өткен-ді. Мұндай радиостансаны дү­ниеге әкелудегі мақсат – акаде­миялық  музыкалық мәдениетті отандық тыңдармандар үшін қол­жетімді ету. – Әдетте, шет елдерге бар­ғанда классикалық радионы жиі тың­дайтын едім. Сол кезде осындай кәсіби радио біздің елде де болса ғой деп ылғи да армандап жүретінмін. Ақыры «Хабар» агенттігінің мұрындық болуы­мен жоба іске асты, – дейді осы идеяның авторы Жәния Әу­бәкірова. Қазірге аталмыш радио Ал­маты қаласындағы 102,8 FM жиі­­лігінде хабар таратады. Эфирді жоспарлау, бағдарламаларды жасау ісімен кәсіби музыка иелері айналысатын болады. Осылайша  «Classic» радиосы­ның хабар тарату жүйесі әр ке­зең­дегі, түрлі стильдегі, сан алуан бағыттағы классикалық музы­ка­ларға негізделген. Сондай-ақ, эфир­де Қазақстан мен әлем мәдениеті­нің тыныс-тіршілігін үнемі бақы­лап отырар төл бағдарламаларға да орын берілген. Музыкалық арнада атақты композиторлар, орын­даушылар мен әлем өнерінің алтын қорына енген туындылар жайлы радиохабарлар да таратыл­мақ. Оған қоса Құрманғазы атын­дағы Қазақ ұлттық консерва­то­риясының  Органды залында өте­тін концерттерден тікелей транс­ляциялар ұйымдастыру да жоспарлануда. Бастапқы кезеңде бұл радио­ны Алматы қаласында ғана тың­дауға мүмкіндік бар екенін жоға­рыда атағанбыз. Дегенмен, уақыт өте келе «Classic» радиосын Қа­зақ­станның барлық өңірінің  му­зыкасүйер қауымы тыңдайтын бо­лады. Сондай-ақ хабар таратыла бастаған алғашқы күннен бастап классикалық музыканы ұлықтай­тын радиотолқын сандық форматта ұсынылатын болады. Күні­не бірнеше рет эфирге қазақ­стан­дық және әлемдік музыка мәде­ниеті туралы жан-жақты мағлұ­мат­тар мен ақпараттық бағдарла­малар шығару жос­пар­ланып отыр­ған болса, қыр­күйектен бастап түрлі авторлық радио­бағ­дарламалар, сұхбаттар, атақты му­зыканттардың өмірінен сыр шертетін хабарлар, жаңа­лықтар берілмек. – Біздің мақсатымыз – клас­си­калық музыка мәдениетін барша қазақстандық тыңдаушыларға жет­кізіп, әлемнің әсемдігіне ла­йықты үлес қосу. Мәдениет – қоғамы­мыздың ажырамас бөлшегі. Рухани құндылықтарды қалыптас­ты­ратын мәдениет. Классикалық радионың кірпішін қалай отырып, біз сол рухани құндылықтың қо­ғам­да іргесі қалануына, зайырлы, өркениетті, демократиялық ба­ғыт­тағы ел атануымызға үлес қо­самыз деп сеніммен айта аламыз, – дейді «Хабар» агенттігі» АҚ төр­ағасының орынбасары Қанат Сахариянов. «Хабар» агенттігінің креативті директоры Ержан Сү­лей­менов­тің айтуынша, классика­лық му­зы­ка радиотолқынын құ­ру тал­ғамы жоғары тыңдар­ман­дар ле­гі­нің көңілінен шығу болып табылады. Қазіргі таңда «Классическое утро», «Дыхание гармонии», «Афи­­ша», «Концертный зал» атты та­қырыптық бағдарламаларды Ер­кеғали Рахмадиев, Төлеген Мұ­хамеджанов, Ақтоты Райым­құлова, Бәкір Баяхунов, Владимир Гросс, Бахтияр Аманжол сынды белгілі қазақстандық му­зыканттар әзірлеу үстінде. Ал Торонтодан эксклюзивті хабарларды «Classic» радиосы үшін танымал музыкатанушы Евгений Бычков әзірлеп тұратын болса, джазға арналған арнайы бағдарламаларды музыканттар –Владимир Осипов, Михаил Балабичев, Фархад Ибрагимов, Ирэн Аравиналар дайындайтын болып отыр. Радионың форматы аудиториямен тікелей әңгіме-дүкен құ­ру мүмкіндігін де қарас­тырады. «Музыка салоны» бағдарлама­сында тыңдармандар өздерінің музыка әлемі мен орындау­шы­ларға қатысты көзқарастарын білдіріп, сүйікті шығармаларын әуе толқынына шығаруды сұрай­тын болады. Айнаш ЕСАЛИ, Алматы. Суреттерді түсірген Берсінбек СӘРСЕНОВ.