«Жас сәтбаевтар» олимпиадасы

Көркем Баянауылда  математика, физика, химия және биология пәндері бойынша жалпы білім беретін мектеп­тер­дің 7-8 сынып оқушы­лары­на арналған  Қаныш Сәтбаев атындағы бірінші об­лыстық олимпиада аяқталды. Ел Тәуелсіздігінің 20 жыл­ды­ғына орай ұйымдасты­рыл­ған бұл олимпиаданың мақ­саты –  талантты оқушы­лар­ды  қолдау. Олимпиадаға өз  елімізден және  көршілес Ресейдің қа­ла­ларынан келген 130 оқушы қатысты. Сын барысында жүл­дегерлерге «Жас Сәтбаев» құр­метті атақтары берілді. Бірінші орынды Павлодардағы Абай атындағы № 10 лицей-мектебі иеленді. Олимпиада со­ңын­да  «Жас Сәтбаев» атан­ған жүлдегерлер әсем Бая­н­ауылға саяхат жасады. Фарида  БЫҚАЙ, Павлодар облысы.