Үлкен жігермен оралдық

  Еліміздің ертеңі де, иесі де – жас ұрпақ. Мемлекет басшы­сы Нұрсұл­тан Назарбаевтың «Патриот болу – Қа­зақ­станды өз жүрегіңде алып жүру» деген сөзінен бастау алған Қазақстан Республикасының Мемлекеттік рәміз­де­рі күніне арналған «Ме­нің Қазақ­станым» атты IV рес­публикалық Пат­риоттар фору­мы Қос­танай қаласында өткені белгілі. Осы жиынға Жетісудан құрамында жастар арасында пат­риот­тық тәр­бие­ні насихаттау мен қалып­тас­ты­ру­ға бағыт­тал­ған түрлі сала қызмет­кер­­лері бар 10 адамнан тұра­тын де­легат форумға қатысып, үл­кен жігермен оралдық. Форумның алғашқы күні бағ­дар­ламаның кең ауқым­ды­лы­ғымен ерек­шеленді. Ол саяси репрессия жылда­рында қаза болғандардың ескерткіш­теріне гүл шоқтарын қоюдан басталса, таңертеңгісін Ахмет Бай­тұр­­сы­нов­тың ескерткіші жа­нын­да митинг өт­кізілді. Сол сәт­те аспан бұлт­та­нып, ақ жаң­быр сіркіреді. Соған қара­мас­тан, “Менің Қазақстаным – ме­нің Ота­ным”, “Алға, Қазақ­стан!” деген жастардың жар­­қын үндерімен астасқан жігерлі сөздері жарқын-жарқын шы­ғып жатты. Оған басқа об­лыстардан келген форумға қа­ты­сушылар қосылып, мереке ауқы­мын шырайлан­дыр­ғанын айтқан жөн. Форум тәуелсіздігіміздің ме­рейлі мерекелерінің бірі – Қа­зақстан Рес­пуб­ликасының Мемлекеттік рәміздер күні мен Тәуелсіздіктің 20 жылдығы қар­са­ңы­мен тұспа-тұс келуімен осы­лай дү­бір­леп өткізілгені біз үшін үлкен әсер туғызды. Форумның мәні мен мағы­на­сы  жоғары екендігін сәт сайын сезіндік. Қос­та­най­да республиканың бар­лық об­лыстарынан жастар делега­ция­лары, жас патриоттар бас қосып, мемлекеттік рәміздерге құрметтің үлгісін көрсетті. Бұл бағыттағы шаралар Жетісу жерінде де кең ауқымда өт­кі­зілуде. Облыс әкімінің баста­ма­сымен соңғы үш жыл қатарынан аудан, қалаларда «Менің Отаным – Тәуелсіз Қазақстан!», «Елба­сы­мен бірге ел қуатын еселейміз!», «Қазақ­стан – өркендеген ел», «Қа­зақстан – кең бай­тақ, ортақ Отан!», «Ата Заң – мем­лекетті­лік­тің негізі», «Баста­ма­шы жас – өсер елдің бақыты!» сияқ­ты та­қы­­рып­тарда жастар фестивальдері тұ­рақ­ты өткізіліп келеді. Жастарға патриот­тық тәр­бие беру, Отан­ға, елге, жерге деген сүйіспеншілікті арттыру мақса­тында өткізілген мұндай шара­лардың нәтижесі бой­ын­ша же­ңімпаздарға жиын қоры­тын­ды­сын­да «ГАЗель» авто­кө­лік­те­рі­нің кілттерін тапсыру дәстүрге айналған. Биылғы фестиваль ел Тәу­елсіздігінің 20 жылдығын мерекелеу аясында «Тәуелсіз ел­дің жаңа кезеңі – жас ұландар қолында» тақыры­бындағы сим­позиумның байыпты бағдар­ламаларымен жалғасуда. Дәурен АЛДАБЕРГЕНОВ, форум делегаты, облыстық ішкі саясат  басқармасының бөлім бастығы. Алматы облысы. Суретте: облыстан фо­рум­ға қатысқан делегаттар.