Бірыңғай лингвистикалық орталық қажет

Қазақстанға  мемлекеттік құ­жаттар аудармасының түп­нұс­қасына тура келуін қам­та­масыз ететін бірыңғай лин­гвис­тикалық орталық қажет, деді Премьер-Министр Кәрім Мәсімов Министрлер Кабинеті отырысының барысында. «Депутаттар тарапынан орын­ды, үздіксіз жазғырулар жиі орын алады. Біздің өзіміздің ішімізде де аударманың түпнұсқаға сәйкес келмеуіне байланысты халық­аралық келісімдерді де қосқанда қайта қол қоюға тура келеді, кейбір жобалар бойынша кідірістер болады», деді Кәрім Мәсімов Әділет министрі Рашид Түсіп­бековке қарап. Р.Түсіпбеков министрлікте тәр­тіп орнатылды, «соның арқа­сында барлық заң жобалары бой­ынша лингвистикалық сараптамалар жүр­гі­­зілетін болады», деп түсіндірді.