Тек ереуіл тоқтатылғаннан соң ғана келіссөз жүргізілуі мүмкін

ҚМГ БӨ ««Өзенмұнайгаз» ең­бек ұжымының өзекті мәселе­лерін қа­рауға дайын, сондай-ақ, ӨМГ кәсіподағының және еңбек ұжы­мының өкілдері тарапынан ұсы­ныл­ған, бітімгерлік комис­сия­­сы­ның жұмысына қатысу жө­нін­дегі ұсынысын қолдайды. Алай­да, ол үшін құқық аясының шеңберінде әрекет ету керек. Сондықтан да, бітімгерлік ко­мис­сия өз жұ­мысын ереуіл тоқ­та­ты­лып, ӨМГ қызметкер­ле­рі­нің бар­лығы тегіс жұмысқа шық­қаннан соң ғана бастай алады. Мұндай мәлімдемені Астанада ӨМГ өндірістік филиалы кәсіп­одағының өкілдерімен кездесу ба­рысында ҚМГ БӨ ««Өзенмұнайгаз» Барлау Өндіру» АҚ бас дирек­торы Асқар Балжанов жасады. ӨМГ еңбек ұжымы тарапынан ӨМГ біріккен кәсіподағының төр­­­­ағасы Наурыз Сақтағанов, оның орынбасары Әділ Сүйебай, МГӨБ-4 кәсіподақ комитетінің босатылған төрағасы Ибадулла Амелов, АКБ автоматика жөнін­дегі аға инженері, кәсіп­одақ ко­митетінің босатылмаған төр­аға­сы Аманияз Нұримов және НГДУ-2 кәсіподақ комитетінің бо­сатыл­ған төрағасы Бекәлі Уақ­баев қатысты. Тараптар заңсыз наразылық шараларын өткізудің нәтиже­сін­де «Өзенмұнайгаз»да қалып­тас­­қан жағ­­­дайды талқылады. Ереу­іл­­шілер­дің басты талаптары­ның бірі – ұж­ымдық келісім-шарт бойынша жалақыны көтеру бо­лып табы­латындығы жұртқа мә­лім. Бұл та­лаптың орындал­май­тындығы ту­­­ралы Асқар Балжанов түсін­діріп өтті. ҚМГ БӨ бас­шы­сының келтірген мәлімет­теріне сәйкес, «Өзенмұнай­газ­дағы» жа­ла­қының өсуі соңғы үш жылда инфляция қарқынынан анағұр­лым асып түскен, бүгінгі таңда шамамен 300 мың теңгені құрай­ды. Бұл – Маңғыстау об­лысын­дағы ұқсас көрсеткіштен, сондай-ақ, ресейлік компания­лар­дың осы сала­дағы қызмет­кер­лерінің жала­қы­сы­ның дең­гейі­нен жо­ғары, деп атап өтті Асқар Балжанов. Бұған қоса, ӨМГ штаттық саны, сон­дай-ақ, компанияның ұжымдық шартты орындауға жұмсалатын шығын­дары ұлғаю­да – бүгінгі таңда ол шығындар әрбір жұ­мыс­керге шаққанда жылына шамамен 1 миллион теңгені құрайды. Бірақ, қызметкерлердің мате­риалдық және әлеуметтік жағ­дайын жақсартуға басшылықтың күш-жігер жұмсап отырған­ды­ғы­на қарамастан, еңбек өнім­ділі­гінің төмендеуі орын алуда, ең­бек тәртібі құлдырауда, ереуілдер тұ­рақты жағдайға айналуда, осы­ның нәтижесінде, соңғы үш жыл­да ӨМГ мұнай өндірудің жос­­па­рын орындамай келеді. Осы­­лай­ша, кәсіпорынның эконо­микасы жалақыны ары қарай ұлғайтуға мүмкіндік бермейді. Жұмыстан босатылған ереуілшілерді жұмысқа қайта қабылдау жөніндегі кәсіподақ өкілдерінің ұсынысына жауап бере келіп, Ас­қар Балжанов былайша түсін­дірді: заңға сәйкес, рұқсат етілмеген наразылық шарасына қатыс­қандар еңбек тәртібін бұзды, ал бұл – өз жұмыс орындарынан айырылуға апарып соқтырды. Бі­рақ, олар жұмысқа қайта қалпына келтіруге сот арқылы талап қоюға құқылы. Сонымен қатар, ҚМГ БӨ «Өзенмұнайгаз» кәсіподағының жә­не еңбек ұжымының өкілдері тара­пы­нан ұсынылған, бітімгерлік ко­миссиясының жұмысына қаты­су және келіссөздерді бастау ұсы­ны­сын қолдады. Сонымен бірге, ең­бек дауы – заңмен қарас­ты­рыл­ған рәсімдердің шеңбе­рінде ғана қа­ра­латындығын Ас­қар Балжанов ес­керте кетті. Және де бұл – заң­сыз наразылық ша­расы толы­ғы­мен тоқтатылып, «Өз­енмұнайгаз» қызмет­кер­ле­рі­нің барлығы тегіс өз жұмысын жал­ғастырғаннан соң ғана мүм­кін болады. «ҚазМұнайГаз» ұлттық ком­паниясының басшылығы да мә­селені шешуге қатысуға дайын екендігін білдірді, алайда, ол – тек құқық аясында, заңнаманың та­лап­тарын екі тараптың да ор­ын­дауы шартымен жүзеге асы­рылуы тиіс. Бұл жөнінде кездесуге қа­тысып отырған ҚМГ ҰК барлау және өндіру жөніндегі басқарушы директоры, ҚМГ БӨ Директорлар кеңесінің төрағасы Алик Айдарбаев мәлімдеді. Кездесуді аяқтай оты­рып, ҚМГ БӨ тағы да кә­сіп­одақ және еңбек ұжымы өкіл­де­ріне мынадай өті­ніш айтты: қа­зіргі текетірес өздерінің отбасы­ла­рының және жалпы кәсіпорынның әл-ауқа­тына тек зиянын тигізіп жат­қандығы жөнінде заңсыз нара­зылық шарасына қатысушы­лар­дың барлығына түсіндірілсін. Кездесу екі сағаттан артық уақытқа созылды. Кәсіподақ өк­іл­­дері барлық сұрақтарға то­лық­қан­ды жауап алды. Зарина АМРАЕВА.