Төрағаның алғашқы кездесуі

Кеше Президенттік мәдениет орталығында Дін істері жөніндегі агенттіктің төрағасы Қайрат Лама Шариф отандық БАҚ өкілдерімен алғашқы баспасөз мәслихатын өткізді. Отырыс «Қазақстан – зайырлы мемлекет» атты тақырыпта өрбіді. – Жаңадан құрылған Дін істері агенттігі азаматтардың діни сенім бостандығына деген құқығын қамтамасыз ету саласындағы дін саясатын түсіндіру жұмыстарын жүр­гізумен, діни бірлестіктер жө­ніндегі заңнаманы жетілдіру турасында ұсыныстар әзірлеумен айналысатын бо­ла­ды. Біз, соны­мен қатар, Қа­зақстан қоғамын­да­ғы тұрақ­ты­лықты нығайтуға ық­пал ететін, рухани ағартушы­лық­қа бағытталған іс-шара­лар­ды өт­кі­зіп, діни экстре­мизм­нің алдын алу шараларына да ерекше көңіл бөлмекпіз, – деген ол, мемле­кет­тің зайыр­лылығы еліміздің ішкі тұ­рақ­тылығы мен өркендеуінің басты тірегі болып та­бы­латын­ды­ғын да назардан тыс қалдыр­мады. Агенттік төр­ағасының ай­туынша, мем­ле­кеттің зайырлы­лы­ғы со­ны­мен қатар ой еркіндігін қамтамасыз ету, қоғам өмі­ріне пайдалы барлық жаңа­лық­тарды енгізуге даяр тұру мен ғылыми-техникалық про­греске жол ашу­ды білдіреді. Біздің еліміздегі санғасыр­лық тарихқа ие, ха­лық­тың көп бөлігі ұстанатын ата дініміз – ислам және христиан дінінің пра­вославие тармағы. Мәдение­ті­міздің маңыз­ды құрау­шысы болып та­былатын дәстүрлі ис­ламның қайта өркен­деуі қазақ хал­қының рухани да­муы­на елеулі серпін берді. Бү­гінгі таң­да еліміз тұрғын­дары­ның 70 пайызын құ­райтын қазақ­тар, өзбектер, ұй­ғыр­лар, татарлар, қырғыздар, тә­жік­тер, түркі­мендер, чешендер, ингуштер, түріктер, күрд­тер мен дүнгендер сүнниттік Ис­ламды ұс­танса, рес­пуб­ликамыздың көп ұлтты тұр­ғындарының 25 пайы­зын құрай­тын орыстар, украиндар мен белорустарды біріктіретін негізгі конфессия православие бо­лып табы­лады. Сонымен қатар, елдің жалпы тұрғындары­ның екі пайызын құрап отырған поляктар, немістер мен еврейлер ұс­танатын католик, про­тестант­тық, иудаизм дін ілім­дерінің игілікті рөлде­рін де ешкім жоққа шы­ғара алмайды. Еліміз тәуелсіз­дік алғаннан кейін бұл конфессиялар Қа­зақстанда өз қыз­меттерін еркін жүзеге асы­ру­ға мүмкіндік алды. Бұған қоса әрбір қазақ­стандық ар-ождан бостан­дығына құқы­лы екендігін де атап көр­се­теміз, – деді Қайрат Қайырбекұлы. Әбдірахман ҚЫДЫРБЕК.