Отандастар олжалы оралды

Украинаның Мариуполь  қа­ласында өткен «Макар Мазай» мемориалына арналған 45-ші ха­лықаралық турнирде еліміз  бокс­шылары үш алтын, үш күміс жә­не екі қола медальды олжалап, жалпыкомандалық есеп бойын­ша екінші орынға көтерілді. Мырзағали Айтжанов жаттық­ты­ратын ұлттық команда мүшелері, атап айтсақ,  Біржан Жақыпов (49 кг.), Олжас Сәттібаев (52 кг) және  Серік Сәпиев (69 кг) алтыннан алқа тағып, тұғыр биігіне көтерілсе,  Ға­ни Жайлауов (60 кг), Василий Левит (91 кг) және  аса ауыр  сал­мақ­тағы Иван Дычко күміс медальды еншіледі. Қола медальды 64 кг.  салмақтағы Данияр Елеусінов пен Данабек Сужанов қанағат тұтты. Тоғыз елдің боксшылары қолғап түйістірген турнирде ринг иелері 22 медальға (7 алтын, 3 күміс, 12 қола) ие болып, бірінші орынға шықты. Үшінші орынды 5 медальмен Өз­бекстан командасы  еншіледі. Енді қазақ боксшылары бұйырт­са Ыстықкөлдегі демалыстан соң әлем чемпионатына дайындық­та­рын  бастамақ. Әбдірахман ҚЫДЫРБЕК.