Жақсыны жақсылыққа жориық

Халқымыз ырымға жақсы қа­рай­ды. Неше түрлі түс көрсе де, жақсыға жору­ға тырысады. Әлбетте, мұнысы дұрыс та. Жақсылықты жақсылық шақы­рады емес пе?! Халқымыз: «Жақ­сы сөз, жарым – ырыс» дейді. Әңгімені бұлай бас­тауымның да жөні бар. Наурыз айы­ның ортасы еді. Президент сайлауы­на үгіт-насихаттың нағыз қызған кезі болатын. Сол уа­қытта өзімнің жеке қожалығымдағы саулықтың бірі төл­деді. Кәдімгі көк қозы, оң бүйірінен «Н» әрпін көріп: «Осы сайлауда тұң­ғыш Елбасымыз Нұрекең айқын басымдықпен жеңіске жетеді екен», – деп ауыл ақсақалдары болып, жақсы­лыққа жорыдық. Бүкіл әлем танып, мойындаған Ел­басымызды мақтан етеміз. Бүкіл ауыл болып, сайлауда даусымызды да бердік. Аса зор басымдықпен сол сайлауда же­ңіске жетті. Елбасымыздың бас­тауымен елімізге Алла тағала небір игіліктерді нәсіп етуде. Есіл өзені жағалауынан аз уақытта керемет ертедегідей әсем қала Астананың бой көтеруінің өзі не тұрады?! Қазақстан былтыр ЕҚЫҰ-ға, ал биыл 57 мүше елі бар Ислам ын­ты­мақтастығы ұйымына төраға болды. Мұ­ның өзі тәуелсіздігін алған 20 жылдағы зор жетістік емес пе?! Кешегі көк қозы бүгінде марқаға айналды (суретте). «Н» әрпі сырт көзге де анық айқын көрінеді. Бұл әріпті Елбасының есімімен бай­ла­ныстырушы ауылдастарым оны көр­ген сайын кешегі сайлауды еске алады. Асқар ӘЛІБЕКОВ, Ынтымақ ауылындағы жеке қожалық иесі. Оңтүстік Қазақстан облысы, Мақтаарал ауданы.