Шекарамаңылық ынтымақтастық форумы

Қазақстан Республикасы Тә­уел­сіздігінің 20 жылдығына ар­налған шаралар аясында, сондай-ақ Ресей Федерациясының шека­рамаңылық өңірлерімен достық байланыстарды нығайту, жастар бағытындағы проблемаларды ше­шудің жолдарын бірлесіп іздестіру, рухани, тарихи және мәдени құндылықтарға құрметпен қарау­ды тәрбиелеу мақсатында жа­қында Баянауыл кентінде Павлодар облысының әкімдігі мен Қазақстан халқы Ассамблеясы бірлесіп, жастардың халықаралық этномәдени форумын ұйымдас­тырды. Шекарамаңылық ынты­мақ­тастық форумы «БІРЛІК-ЕДИНСТВО.KZ» деп аталды. Форум жұмысына Ресей Фе­дерациясының Омбы, Томь, Новосібір облыстарының және Алтай өлкесінің жастар делега­циялары мен республикалық этно­мәдени бірлестіктері жастар ұйымдарының, Қазақстан жас­тары Конгресінің, жастар үкімет­тік емес ұйымдарының жетекшілері, сонымен қатар, Қостанай, Солтүстік Қазақстан, Шығыс Қазақстан, Қарағанды, Ақмола және Павлодар облыстарының Қазақ­стан халқы Ассамблея­ларының өкілдері қатысты. Форум шеңберінде мемлекеттік органдар, ҚХА Хатшылығы өкілдерінің, Қазақстан Парламенті депутаттарының, ғалымдардың, БАҚ журналистерінің қатысуы­мен «Көпқырлылықтағы бірлік»; лингвистикалық коммуникативтік ойын; жастар бастамашылығы мен шығармашылығының көрме-жәрмеңкесі; «Бірлігіміз жарас­қан!» шығармашылық бағдарла­масы; «Тәуелсіздігіңнің 20 жыл­дығымен, Қазақстан!» артакция­сы, т.б. іс-шаралар ұйымдасты­рылды. Сондай-ақ жастар саяса­тын да­мыту­дың көкейкесті мәсе­лелеріне арналған тақырыптарда пікірталастар өткізілді. Форумның басты лейтмотиві жастар мәселелеріне арналған үн­қатысу алаңдарын тұрақты ұйым­дастырып тұру, этномәдени көп­қырлылыққа ықпал ететін жастар бағдарламалары мен жобаларын жасау және Қазақстан мен Ре­сейдің шекаралық облыста­рында мемлекеттік жастар саясатын тиім­ді жүзеге асыру болды. Фо­румның қорытындысы бойынша жастар бағытындағы өзара іс-қимылдарды одан әрі дамытудың перспективаларын қарастыратын қарар қабылданды. «Егемен-ақпарат».