Эрич: «Янг Бойз» мүмкіндіктерін тиімді пайдалана білді

«Астана» командасының қақпашысы Ненад Эрич швейцариялық «Янг Бойз» клубынан жеңілгені жөнінде Sports.kz - ке өз пікірін білдірді. "Не айтуға болады? Біз үшін маусым аяқталды. Алғашқы таймда біз жоспар бойынша әрекет еткен едік, алайда екінші 45 минутта бәрі өзгеріп сала берді. Гол салатын бірнеше мүмкіндігіміз болған. Бірақ тиімді пайдалана алмадық. Есесіне қарсыластарымыз алдымызды орап кетті", - деді Эрич. Станимир Стойлов «Астананың» АПОЭЛ-ге қарсы ойыннан кейін практика болмағандығын мәлімдеді. Бұл туралы Эрич: "Бір жағынан солай да айтуға болады. Қазақстан чемпионаты аяқталғаннан кейін бізде үзіліс болды. Бірақ біз «Янг Бойзға» қарсы тыңғылықты дайындалдық. Қолайлы нәтижеге қол жеткіземіз деп ойлаған едік. Өкінішке орай, жаттықтырушымыздың пікірімен келісуге тура келеді", деп атап өтті.