Тель-Авивтегі салтанатты қабылдау

Тель-Авив қаласында Қазақстан Республикасының 25 жылдығына орай салтанатты қабылдау өтті, деп хабарлады Қазақстанның Израильдегі елшілігі. Қазақстанның Израильдегі достары олардың ішінде Кнессеттің (Парламент) депу­таттары, мемлекеттік орган­дар­дың лауазымды адамдары, үкіметтік емес қоғамдық ұйым­­дардың мүшелері, Израильде аккредиттелген дип­ломатиялық корпус пен бұқаралық ақпарат құ­рал­дарының өкілдері бар, атал­ған ресми іс-шараға үлкен бел­сенділікпен қатысты. Қонақтар алдында сөз сөй­леген Қазақстанның осы ел­дегі елшісі Дулат Қуанышев еліміздің 25 жыл ішін­де жеткен жетістіктері ту­ра­­лы баяндады, сонымен қатар, Қазақстан мен Изра­иль­ арасындағы қарым-қа­­ты­­настардың биылғы нәтижелері туралы әңгімелеп берді. Осы жылдың екі ел арасындағы ең маңызды оқиғасы – Израиль мемлекетінің Пре­мьер-министрі Биньямин Нета­ньяхудың Қазақстанға тұң­ғыш ресми сапары алдағы 14  жел­тоқсанда, үлкен мереке – Қазақстан Республикасы Тәу­елсіздігінің 25 жылдығы қар­саңында өткізілетіндігін хабарлады. Бұған қоса, дип­ломат кештің қонақтарын алдағы жыл басында Алматы қаласында өтетін Қысқы Универсиада мен Астанада өткізілуі жоспарланған «ЭКСПО-2017» халықаралық мамандырылған көрмесіне келіп қайтуға шақырды. Іс-шараның құрметті қо­на­ғы Израильдің өңірлік ынты­мақтастық министрінің орын­басары Аюб Кара өзінің құт­тықтау сөзінде Қазақстан да­муының деңгейіне жоғары ба­ға берді, сонымен қатар, екі­жақты қарым-қатынастар жақсы өріс алып отырғанын атап өтті. Мерейтой шеңберінде Қазақстанның туристік әлеу­еті­не арналған фотокөрме ұйым­дастырылып, еліміз туралы бейнесюжеттер мен алдағы жыл­ға жоспарланған басты іс-ша­ралар қамтылған бейнеролик­тер көрсетілді. «Қазақстан – Ұлы Дала елі» мо­бильдік қосымшасына жар­намалық науқан ұйым­дас­ты­рыл­ды. Қонақтар алдында қазақ­стан­дық өнерпаздар концерт қойып берді.