«Тәуелсіз Қазақстан» пойызы сапарын аяқтады

14 желтоқсан күні Алматы қаласының теміржол вокзалына ел аумағы бойынша 43 күндік сапардан кейін «Тәуелсіз Қазақстан» пойызы келіп тоқтайды, деп хабарлады ҚазАқпарат. Ел Тәуелсіздігінің 25 жылдығына арналған республикалық акцияны Қазақстан халқы Ассамблеясы ұйымдастырған болатын. Пойыз 43 күннің ішінде еліміздің барлық өңірлерін аралап, 35 елді мекенде болды. Нәтижесінде: Қоғамдық келісім кеңестерінің қоғамдық қабылдауларында, қоғамдық келісім және жалпыұлттық бірлік саласындағы негізгі қағидаларды, «Мәңгiлiк ел» жалпыұлттық  патриоттық идеясын түсіндіру бойынша дәріс-таныстырылымдарға, семинар-тренингтерге 9,5 мыңнан астам адам қатысты; Азаматтарға медициналық және консультативтік-диагностикалық көмек көрсету мәселелері бойынша 11,5 мыңнан астам адам қатысты; Жергілікті халыққа әлеуметтік қызметтер, денсаулық сақтау, әділет органдары, ұлттық экономика, Ауыл шаруашылығы, Білім және ғылым, Ақпарат және коммуникациялар министрліктері өкілдерінің  консультациялық қызметтер көрсету бойынша кездесулеріне  63,5 мыңнан астам адам қатысты; Пойыз құрамында ҚР Парламентінің депутаттары, ҚХА мүшелері, мәдениет және спорт қайраткерлері, медицина және әлеуметтік салалар қызметкерлері жұмыс істеді.