Шығыс Қазақстанда браконьерлерді ұстау үшін жедел топ құрылды

Өңір аумағында тәулік бойы «рейдтік» режімде жас шыршаны заңсыз кесетіндердің жолын кесу үшін полицей және табиғатты қорғау мамандары ішінен 60 жедел топ құрылды, деп хабарлады «ҚазАқпарат». Жол полициясы қылқанды ағаш тасу, сату заңдылығын тексеріп, өңір жолдарындағы бақылауды күшейтті. Бүгін ішкі істер департаменті Семей, Зырянов, Бородулиха, Риддер, Ұлан ауданында бір-бірден қылмыстық әрекет анықталғанын хабарлады. Өскеменде 7 сатушыға қатысты рұқсат етілмеген орындарда шырша сатқаны үшін әкімшілік материал қозғалды. «Шырша-2016» жедел алдын алу шарасы 31 желтоқсанда аяқталады.