Бекмамбетовтің фильмі 2016 жылғы ең сәтсіз кинокартиналар тізімін бастады

Голливудтың эпикалық «Бен Гур» кинолентасы биылғы жылдың ең көп шығын әкелген фильмдерінің тізімінде бірінші орынға шықты. Фильмнің режиссері – Тимур Бекмамбетов. Бұл туралы The Hollywood Reporter басылымының рейтингіне сілтеме жасап lenta.ru хабарлайды. Сарапшылар есебі бойынша, «Бен Гурды» түсіруге 110 млн доллар жұмсалған, оған қоса маркетингке кеткен қаржы бар. Әлемдік кинопрокатта картина 94,1 млн доллар жинап, бүкіл шығынның тек 43 пайызын жапқан. Сөйтіп, инвесторлар бұл жобадан 120 млн доллар шығын шеккен. Тізімдегі екінші орында атақты режиссер Стивен Спилберг тұр. Оның «The BFG» фильмі (Мейірбан дәу) шығынның 64 пайызын ғана ақтаған, шығын көлемі – 100 млн доллар. Үшінші орында Алекс Пройастың 90 млн доллар шығын әкелген «Мысыр құдайлары» фильмі. Сәтсіз фильмдер қатарында Роберт Земекистің Брэд Питт ойнаған «Одақтастар» фильмі де бар.