• 30 Желтоқсан, 2016

Оңтүстік Қазақстанда 710,6 млрд теңгенің өнімдері өндірілді

155 рет

көрсетілді

1 мин

оқу үшін

Egemen Qazaqstan

Оңтүстік Қазақстан облысында осы жылдың cоңғы айында өнеркәсіп кәсіпорындары 710,6 млрд теңгенің өнімі өндірілді. Бұл өткен жылдың осы кезеңімен салыстырғанда 113,8 млрд теңгеге артық. Облыс республика бойынша осы көрсеткішімен төртінші орынды иеленді. Өндірілген өнімдердің ішінде кен өндіру 208,3 млрд теңгенің, өңдеу өнеркәсібінде 437,8 млрд теңгенің өнімі өндірілсе, электрмен жабдықтау, газ, бу беру және ауа баптау саласында 52,7 млрд теңгенің, ал сумен жабдықтау бойынша 11,8 млрд теңгенің өнімі өндірілді. Сонымен қатар, өңірде Индустриаландыру карта аясында жалпы құны 227,9 млрд теңге болатын 150 жоба іске қосылды. Соның нәтижесінде 13,2 мың жаңа жұмыс орны ашылды. Ал 2016 жылдың 11 айының қорытындысы бойынша Индустриаландыру картасындағы жобалармен 99,5 млрд теңгенің өнімі шығарылса, өнеркәсіптің 90 пайыздан астамы жобалық қуаттылықты игерген. Бақтияр ТАЙЖАН, «Егемен Қазақстан»