Головкин не үшін атақты боксшылармен жұдырықтаспайды?

Жаттықтырушы Абель Санчес шәкірті Геннадий Головкиннің үлкен жекпе-жектерге не себепті шыға алмайтынын мәлімдеді. Бұл туралы vesti.kz хабарлады. Ол ең алдымен қаржы мәселесіне келіп тірелетінін айтты. «Жұрт бізді ылғи да танымал боксшылармен кездеспейтінімізді сынға алып жатады. Бұл жерде мәселенің бәрі ақшаға келіп тіреледі. Қарсыластарымызды жасқанады деп айта алмаймын. Бұл бизнес тұрғысында болып отырған жайт, себебі рингке көтерілгеніңде ешкімнен қорықпайсың, бірақ өзгелермен салыстырғанда сыйақысы тым аз», – деді Санчес. «Бірақ ақша мәселесі біздің басты мақсатымыз болмауы шарт. Жекпе-жекке тыңғылықты дайындалып, үміт артқан жанкүйерлерімізге жеңіс сыйлаймыз, келесі кездесуіміз де осы бағытта өрбиді. Меніңше, қаржы мәселесі уақыт өте келе өз шешімін табады», – деді Головкиннің бапкері. Айта кетейік, мексикалық боксшы Сауль Альварес Головкинге ұсыныс жасалған, қабыл алған жағдайда ұрыс биыл өтетінін мәлімдеген.