Алматы облысында «Балапан» бағдарламасы бойынша 454 балабақша ашылды

Алматы облысында «Балапан» бағдарламасы бойынша 454 балабақша ашылды, деп хабарлады облыс әкімдігінің баспасөз қызметі. «Білім саласына бағытталған қаржы көлемі – 5,3 млрд. теңгеден 149 млрд. теңгеге дейін, денсаулық сақтау – 2,5 млрд. теңгеден 80,9 млрд. теңгеге дейін, мәдениет және спорт – 300 млн. теңгеден 12,9 млрд. теңгеге дейін және халықты әлеуметтік қорғау 1,4-тен 11,7 млрд. теңгеге дейін ұлғайды», - делінген  хабарламада. «100 мектеп және 100 аурухана», «350 дәрігерлік амбулаториялар» бағдарламаларының арқасында 17 ауруханалар мен емханалар, 88 дәрігерлік амбулаториялар іске қосылды. 136 мектеп салынды және 369 балабақша ашылды, соның ішінде 328 - жекеменшік (88,9%), 22 – спорт объектілері, ауылдарда 205 ауылдық Мәдениет үйлері және клубтар, 214 кітапханалар ашылды. 2000 жылы 47 балабақша болатын, бүгінде 500-і жұмыс істейді, оның 63,2%-і – жекеменшік. Тек соңғы екі жылда 224 немесе 90,2% жекеменшік балабақша ашылды.