Голландияда ұшатын көліктер сатылымға шығарылды

Нидерланд елінде PAL-V фирмасы өзі құрап шығарған ұшатын көліктің екі маркасын сатылымға шығарды. Бұл туралы life.ru хабарлады. Голландиялықтар жаңа көлік құру жұмыстарын 2009 жылы қолға алған. Ал 2012 жылы оның алғашқы прототипі дайын болған. Биыл аталмыш компания Liberty Pioneer және Liberty Sport үлгілеріне қатысты бірнеше тапсырыс алыпты. Алдағы уақытта PAL-V жаңа автомобильдерді жаппай өндіруге дайындалып отыр. Құраушыларың айтуынша, қауіпсіздік шараларының бәрі қамтамасыз етілгенін. PAL-V тұтынушыларға жаңа көліктерді 2018 жылдың соңына дейін жеткізеді деп күтіліп отыр. Оған дейін аталған көліктер қолданысқа ену үшін толықтай сертификаттаудан өткізіледі. Компанияның бас директоры Роберт Дингеманстың айтуынша, жаңа өнімдердің негізгі нарығы Солтүстік Америка болмақ. Сондай-ақ, АҚШ, Канада, Мексика елдерінен және Бермуд аралдарынан алдын ала тапсырыс берушілер бар екенін мәлімдеді.