YouTube Ресейдегі қызметін тоқтатуы мүмкін

Медиакоммуникациялық кеңестің құқықтық комитеті ұсынған онлайн-кинотеатрларға байланысты жаңа заң жобасы негізінде YouTube видеохостингі Ресейде өз қызметін тоқтатуы мүмкін. Бұл туралы РИА Новости хабарлады. Басылымның айтуынша, YouTube ресейлік тұтынушылардың жалпы трафигінің 30 пайызын қамтиды. Медиакоммуникация кеңесі дайындаған видеосерверлерді қадағалау туралы заң жобасы Мемлекеттік Думаға 25 қарашада ұсынылды. Жоба Ресейден айына 100 мыңнан астам тұтынушы кіретін кәсіби контенті бар аудиовизуалды сервистерге шетелдіктерге иелдік етуге тыйым салады. Бірақ YouTube құрамында кәсіби әрі тұтынушылық контент қатар жүргендіктен, тағдыры әлі белгісіз болып отыр. "Аудиовизуалды сервистің ұйымдастырушысы ретінде YouTube-ті де атауға болады. Онда тұтынушылар өз контенттерін салады. Заң жобасы бекітілсе, YouTube Ресей аумағында көрсетілмейді", делінген Медиакоммуникация кеңесінің құқықтық комитеті берген хабарламада. Басылымның хабарлауынша, YouTube-те тек тұтынушылық қана емес, кәсіби де контент бар. Қазіргі YouTube иесі - америкалық Google  компаниясында кэш серверлер бар. Талаптарды орындау үшін ол жаңа инфрақұрылым құруы керек. Олай болмаған жағдайда, YouTube шетелдік алаңдарға көшіп, ол өз кезегінде байланыс операторларының шығынан арттыруы мүмкін.