Елімізде жас ғалымдар саны артты

Елімізде соңғы 5 жылда жас ғалымдар саны 60 пайызға артты. Бұл туралы бүгін Республикалық жастар форумында Елбасы Нұрсұлтан Назарбаев мәлімдеді. «Бізде талантты жастар бар, ниеттері де, ойлары да бар. Мен Қазақстанның барлық жас ғалымдарына зор табыстар тілеймін. Сіздер біздің қуатты қолдауымызды сезінесіздер. Біз білім туралы арнайы заң қабылдадық. Бұл сіздердің дәліздерде арлы-берлі жүгірмеулеріңіз үшін жасалды. Егер нақты жобаларыңыз, стартаптарыңыз болса, онда комиссия оның қажеттілігін немесе қажетсіздігін анықтап, қаржыландыруға қояды», - деді Мемлекет басшысы. Сонымен қатар, Қазақстан Президенті елімізде жас ғалымдар санының артып келе жатқандығын баса айтты. «Бізде Қазақстанның атын әлемге танытатын ғалымдар бар», - деді Елбасы.