Еревандағы Армения Ұлттық кітапханасында ҚР Ұлттық кітапханасы Арменияның Мәдениет министрлігі мен осы елдегі Қазақстан елшілігінің қолдауымен Қазақстан Тәуелсіздігінің 25 жылдығына арнап "Қазақстан әдебиетінің бұрышы" атты көрме ашты, деп хабарлады ҚР СІМ баспасөз қызметі.
Бұл шараға Арменияның Мәдениет министрінің орынбасары Н. Тер-Варданян, Армениядағы Қазақстан елшісі Т. Уразаев, Қазақстан Ұлттық кітапханасының сектор басшысы Е. Али, Арменияның Ұлттық кітапханасының директоры Т. Заргарян, Ереван мемлекеттік университетінің оқытушылары, студенттері және БАҚ өкілдері қатысты.
Бір айта кетерлігі, аталған көрмеге қойылған экспонаттар арқылы армяндар қазақ халқының тарихымен, мәденитімен, салт-дәстүрлерімен таныса алады. Сонымен қатар кітап қоры осы елде қалады. Армения Мәдениет министрі орынбасарының айтуынша, дәл осындай шара Астанада да өтеді.
Көрме аясында екі елдің Ұлттық кітапханалары арасындаңы серіктестік туралы меморандумға қол қойылды.
