5 желтоқсанға арналған ауа-райы болжамы

Дүйсенбі, 5 желтоқсан күні Қазақстанның басым бөлігінде атмосфералық фронттардың өтуіне байланысты жауын-шашын болады (көбіне қар түрінде), еліміздің оңтүстігінде ғана күн райы жауын-шашынсыз.  Кей жерлерде тұман, көктайғақ, бұрқасын болып, жел күшейеді деп хабарлайды egemen.kz «Қазгидрометке» сілтеме жасап. Қарағанды облысының кей жерлерінде  бұрқасын, көктайғақ болып,  тұман түседі,  15-20 м/с-пен соққан желдің екпіні 23 м/с-қа күшейеді. Павлодар облысының басым бөлігінде желдің 17-22 м/с жылдамдықтағы жел кей жерлерде 27 м/с-қа жетеді, жекелеген аумақтарда бұрқасын, көктайғақ күтіледі. Ақмола облысында секундына 15-20 метр қашықтықпен соққан жел 23-28 м/с-қа жетуі ықтимал. Шығыс Қазақстан  облысының кей жерлерінде бұрқасын, жолдарда көктайғақ болады, желдің екпіні 15-20 м/с-тан 23-28 м/с-қа жетуі мүмкін. Жамбыл облысының кей аумақтарында тұман, көктайғақ болып,  15-20 м/с-пен соққан жел 23 м/с-қа дейін ұйытқиды. Солтүстік Қазақстан  облысының  жекелеген бөліктерінде бұрқасын болып, желдің жылдамдығы 15-20 м/с-тан түнде 23 м/с-қа күшейеді. Ақтөбе, Қостанай  облыстарының  кей жерлерінде  тұман, бұрқасын болып жел 15-20 м/с күшейеді. Ақтөбе облысының кей аумақтарында тұман болады. Қызылорда облысының кей жерлерінде тұман болып, жел 15-20 м/с-қа артады. Батыс Қазақстан,  Оңтүстік Қазақстан,  Маңғыстау облыстарының кей жерлерінде тұман болып, жел 15-20 м/с-қа күшейеді, түнде Оңтүстік Қазақстан облысында жел 15-20 м/с, түнде Маңғыстау облысының кей жерлерінде көктайғақ болады. Атырау облысының кей жерлерінде көктайғақ  болжанады.