«Маяктың» жаңа көкөніс қоймасы

Облыстағы Павлодар ауданына қарасты «Маяк» шаруа қожалығында жылына 12 200 тонна өнім қабылдай алатын қойма пайдалануға берілді. Жалпы, өндірісті өңір үшін маңызды деп сана­­латын бұл нысан еліміздің инвестициялық жо­ба­­лары санатына енеді. Ал, негізі, бұл жоба «Қаз­­Агро» ұлттық басқарушы холдингі» АҚ еншілес компаниясы – «ҚазАгроҚаржы» желісі бойынша қаржыландырылды. Жобаның жалпы құны – 917,1 миллион теңге. Ал, «ҚазАгро» ұлттық холдингі» құрамына енетін «ҚазАгроҚаржы» акционерлік қоғамы осыдан он жыл бұрын Үкіметтің қаулы­сы­мен құрылған компания екені белгілі Бұл компа­нияны құрудағы басты мақсат – ауылшаруашылық тауар өндірушілердің қаржы қара­жат­тарына, сондай-ақ, лизинг негізінде ауыл шаруашылығы техникалары мен технологиялық жабдықтарға деген қолжетімділікті қамтамасыз ету арқылы еліміздің аграрлық секторын дамытуға қолдау жасау. «Маяк» шаруа қожалығы орналасқан Төлеген Бәс­тенов басқаратын бұл аудан былтыр ауыл шаруашылығы саласындағы жетістіктері үшін облыста бірінші, ал республика бойынша 7-ші орынды иеленді. Былтырғы жылдың қуаңшы­лы­ғына қарамай, суармалы жерлерді тиімді пайда­­ланудың арқа­сында картоп, көкөніс қажетті көлемде өндірілді. Ауыл ша­руа­шылығы өнімінің жалпы көлемі 11 млрд. теңгеге жетті. Ау­данның егістік алқабы 134,4 мың гектарды құрайды. Аудан негізінен, облыс орталығын көкөніспен қамтамасыз етуші аудан болып саналады. Жыл өткен сайын ауданда картоп, көкөніс қоймаларының саны көбеюде. Бұл облыс орталығына жақын орналасқан қала болғандықтан, қаланың күн көруі осы аудан­ның шаруашылықтарынан десе де болады. Мәселен, қала хал­қы жыл сайын 20 мың тонна картопты қажет етсе, ал, аудан шаруашылықтары 52 мың тонна картоп алады. Оған жеке адамдардың бау-бақша салатынын тағы қосыңыз. Түйіндей келе, бізде өнім жағы жеткілікті.Сондықтан осы «Маяк» шаруа­шы­лығында ашылған картоп сақтайтын қоймалар салу қажет­тіліктен туды. «Маяктың» картоп өсіретін 600 га суармалы жері бар. Суармалы алқапта 4 мың шақы­рым­дай жерге магис­трал­дық құбырлар тартылды. Картопты өсіріп, баптауға арналған 18 заманауи техника алынды. Аудандағы көкөніс өсірумен аты шыққан бір ғана Черноярка ауылында сыйымдылығы 14 607 тонна болатын 35 көкөніс қоймасы бар. Ал,биылғы жылдың соңына дейін ауданда көкөніс, картоп қоймаларының саны 50-ге жетеді деп жоспарлануда. Мұндай қоймалардың көкө­н­іс­­терді сақтау арқылы бағаны тұрақтандыруға да ықпа­лы бар. Картоп өндірушілер өнімді арзан бағамен береді, сол бағамен облыс орталығындағы «Рахмет» деген базарға тапсырылады. Сол жерден қаланың дүкендеріне тұрақты бағамен өткізіледі. Қазір жаңадан ашылған қоймада 10500 тонна картоп сақ­талуға қойылды. Бұдан басқа осы аудандағы Кеңес ауылында сыйымдылығы 5 300 тонна болатын екі көк­өніс қоймасы орна­ласқан. Енді тағы да көкөніс қойма­ларын ашуға қаржылай кө­мек алу үшін «ҚазАгро­Қаржы» АҚ-ға өтініш жасамақшы ойла­ры бар. Картоп пен басқа да көкөністерді сақтау, кептіру, бүкіл іс барысына қажетті техникалар Германиядан алынған. Авто­мат­ты түрде барлығы да арнайы нүкте тетік арқылы жұмыс жасайды. Облыстық ауыл шаруашылығы басқрмасының хаба­ры­на қарағанда, облыста бұл күндері қуаттылығы 101 437 тон­наға дейін жететін 85 көкөніс, картоп сақтайтын қоймалар бар. Ал, «ҚазАгроҚаржы» басқармасы сарапшыларының айтуы бойынша, елімізде мұндай қоймалардың көбеюі – бағаны тұрақтандыруға кепіл болады. Бүгінге дейін «ҚазАгроҚаржы» АҚ сыйымдылығы 80 мың тонна көк­өніс қоймаларының құры­лысын қаржыландырған. Сон­дық­тан, «ҚазАгроҚаржы» басшы­­лығы көкөніс қоймала­рын салудағы бұл жетістіктерін жаңа құ­рылыстармен байланыстырып, еліміздің Тәуелсіздік алуы­­­ның 20 жылдығына жасаған тартуымыз деп отыр. Жоғарыда ай­тып өткеніміздей, жалпы, «ҚазАгроҚаржы» АҚ елімізде алдағы жылдары салынатын 10 көкөніс қоймасының құрылысын қар­жы­ландыруды қолға алып отырса, оның үшеуі біздің облыс ау­мағында орналасатын болады. Мұның өзі, мол өнімге қол жеткізген шаруа қожа­лық­тары үшін әрине қуанышты жағдай, енді олар көкөніс сақтауда бұрынғыдай қиындық көрмейтін болады. Ауданда ашылған жаңа көкөніс өнімдерін сақтау қоймасы «Маяк» шаруа қожалығына қарайды. Серіктестік бөлінген қара­жатқа картоп сақтайтын қойма салды, көкөністерді сақтап тұра алатын желдеткіш жүйелері, сонымен қатар, өнімдерді сыйымдылығы 500 тонна жәшіктерде сақтауға арналған мұз­дат­қыш жабдықтар сатып алынды. Бұған қоса, ауыл шаруа­шылығына, оның ішінде картоп өсіруге қажет арнайы техникалар да бар. Қойманың жоба бойынша жалпы өнімдерді сақтау кезеңі 9-10 айға есептелген, яғни, қыркүйек айынан келесі жыл­дың маусым айына шыдайды. Қоймаға керекті барлық жаб­дықтар мен техникалар Германиядан әкелінген. Осы шаруа­шы­лықтың басшысы Ермек Сүпековтің айтуынша, пайдалануға берілген заманауи көкөніс қоймасында өздерінің шаруашы­лық­тарының өсірген көкөністері, картоптары сақталады. Сөйтіп, алдағы уақытта өнімдердің келесі жылға дейін бұзылмай, өнбей сақтаулы тұратынына кепіл бар. Бұл күндері «ҚазАгроҚаржы» АҚ Ұлттық қордан бө­лінген қаражат есебінен ауылдағы алты перспективалы бағыт бойынша инвес­тициялық жобаларды қаржылан­дыратыны белгілі, олар еліміз бойынша ірі тауарлы-сүт фермала­рының, ет бағытындағы құс фабрикаларының, жылыжай шаруашы­лық­та­ры­ның, көкөніс қоймалары­ның, ауыл шаруашылығы техникала­рын құрастыру өн­­дірістерінің желілерін құру және дамыту, сонымен қатар бұлардың қатарында алқаптардағы өнімдерден мол өнім алу үшіні тамшылатып суару технологиясын енгізу де жоспар­ла­нып отыр. «ҚазАгроҚаржы» АҚ басқармасы 2009-2011 жыл­дар­ға арналған бұл бағдар­лама шеңбе­рін­де компания жалпы сомасы 57,1 млрд. теңгеге инвес­ти­ция­лық жоба­ларды қаржы­лан­дыруды жоспарлап қойды. Қазір жалпы құны 29 миллиардтан астам теңгеге 33 жоба қаралып, мақұлданды. Ал, біздің облыс бойынша «ҚазАгро­­­Қар­­­жы» АҚ 7,5 млрд. теңге инвестиция құйды деуге болады. Фарида БЫҚАЙ. Павлодар.