19 Қазан, 2011

Көмек көрсетуге қашанда дайынбыз

171 рет көрсетілді
Халық денсаулығын сақтау саласын дамытуға арналған «Са­­ламатты Қазақстан» бағдарлама­­сын жүзеге асыруға «Қазавиа­құт­қару» АҚ ұжымы өз үлес­те­рін қосуда. Денсаулық сақтау министрлігімен бірге Шығыс Қа­зақстан, Ақмола, Батыс Қазақ­стан, Атырау, Алматы, Қызыл­орда, Павлодар, Қостанай, Оң­түс­тік Қазақстан, Солтүстік Қа­зақ­стан, Маңғыстау облыста­ры­ның аймақтары бойынша меди­циналық көмек көрсету бойынша жүйелі жұмыстар жүргізілуде. Сол секілді Астана, Алматы, Аты­­­­рау, Қызылорда қалаларында құры­лым­ның аймақтық орталық­тары ашылды. Ондағы мақсат –  бі­лікті медицина мамандарын уақ­тылы жеткізуге науқастарға жедел жәр­дем көрсету. Санитарлық авиацияның кө­мегімен Отанымыз бойынша 56 тапсырыс, оның ішінде 38 тасы­малдау мүлтіксіз орындалып, 18 әртүрлі дәрігерлік кеңес берілді. Бұған мысал ретінде мына дә­йек­ті келтіруге болады. Жақында Ал­ма­ты көп бағдарлы клиника­сының екі дәрігері Нарынқол ау­данына жеткізіліп, онда науқасқа жедел түрде операция жасалды. Сол секілді  Атыраудан Ақтауға тапсыр­ма­мен Ми-706 тікұшағы ұшып шықты. Сол жерде науқас балаға медициналық көмек көр­сетіліп, артынан ата-анасымен Ақтөбеге жеткізілді. Санитарлық тікұшақ экипаждарының құра­мы, қандай қиын жағдайларда бол­масын, нау­қас адамдарға кө­мек көрсету үшін тапсырма­лар­ды орындауда. Қазақстан Республикасы Тәу­елсіздігінің 20 жылдық мерей­то­йы қарсаңында, елімізде әртүрлі маңызды істер жүзеге асуда. Со­лардың бірі «Саламатты Қазақ­стан» мемлекеттік бағдарламасы бойынша санитарлық тікұшақ­тар­ды сатып алу, ұшқыштар мен инженерлер құрамын жақсарту және көбейту. Санитарлық тік­ұшақ­тар медициналық модульдер­мен жабдықталған. Атап айт­­қанда, тікұшақтың бортына ал­ын­ған науқастарға жүрек, өкпе, қан қысымы, бүйрек, гинеко­ло­гия­лық, т.б. ауруларға қарсы кө­мек көрсетіледі. Алдағы уақытта да «Қазавиа­құтқару» АҚ Жедел медици­на­лық көмек республикалық ғылы­ми орталығымен бірлесіп Қазақ­стан халқының денсаулығын жақ­сартуға, қатерлі аурулардың ал­дын алуға, дер кезінде меди­ци­налық көмек көрсетуге әрдайым өз үлесін қоса береді. Күлтай ӘМІРЕЕВА, «Қазавиақұтқару» АҚ аға маманы.
Соңғы жаңалықтар

Бас бәйге – 5 миллион теңге

Спорт • Бүгін, 07:50

Қазақстан – 4-себетте

Спорт • Бүгін, 07:49

Жерлестеріміз жеңіске жетті

Теннис • Бүгін, 07:47

Егіздер шеруі

Қоғам • Бүгін, 07:43

Толған ортаның толғамы

Қоғам • Бүгін, 07:35

Необанк не банк?

Қаржы • Бүгін, 07:33

Қаржының қайтарымы бола ма?

Саясат • Бүгін, 07:28

Кандидаттың шығыны өтеледі

Саясат • Бүгін, 07:27

Бірлігімізге сызат түспесін

Қазақстан • Бүгін, 07:25

Саяси дода басталды

Саясат • Кеше

Ұқсас жаңалықтар