Келелі бастама келешекке үлгі

«Рухани жаңғыру» – бірнеше жылға арналған, кезең-кезеңге бөліп атқаруды талап ететін бағдарлама. Сондықтан бір жыл ішіндегі атқарған қандай жұмыс болмасын, бұл алдымен келешекте іске асуы тиіс жобалардың бастамасы іспетті. 

Егемен Қазақстан
21.09.2017 98

Алматы облысында осыған дейін аталмыш бағдарлама бойын­ша 82 мың тұрғынның қаты­­суымен әртүрлі форматта жалпы саны 627 іс-шара өткізіліпті. Бәрін тізіп шығу мүм­кін емес, біздің міндет солардың ерекше тоқталуды қажет ететін басты бағыттарын шолып шығу. 

Тосын естілетін, елең еткізетін бір тақырып «Балалар үйінсіз Жетісу» жобасы. Аталған жоба аясында биыл облыстық бюджеттен жалпы сомасы 230 миллион теңге бөлініп, 120 баланы патронаттық тәрбиеге беру және отбасылық үлгідегі 20 балалар үйін ашу көзделген. Облыстық прокуратура мен әкімдіктің бірлесе атқарып жатқан жобасы осы уақыт ішінде 100 баланы отба­сылық тәрбиеге орналас­тырып, балалар үйінің біреуі жабылған. Енді бір ескеретін жайт, жетім бала өспей ме? Оның ендігі тағдыры қалай болады? Бұл мәселе де назарға алынып, ата-ана қамқорлығынсыз өскен балалар мен жасөспірімдердің өмір сүру сапасын арттыру мақ­сатында «Мейірім» акциясы қолға алынғанын айта кету керек. Баспанамен, оқумен, жұмыспен қамтамасыз ету мәселесі осы акция аясында іске асатын болады. 

«Рухани жаңғырудың» бас­ты мақсаты – ұрпақтың рухани, мәдени сауатты болуын қамтамасыз ету десек, жас жет­­кіншек өз өлкесін танып-білуі, өскен жерінің тарихына қа­нығуы тиіс. Алматы облысының басымдық беріп отырған бір бағыты да осы. Оқушылармен жұмыс істеу. Арнайы саяхаттар ұйымдастыру, қасиетті және көрікті жерлерді, тарихи орындарды аралатып қана қоймай, арнайы мамандардың дәрісін тыңдатып, ел-жердің тарихына қанықтыру. Бұл бағыт бойынша Есік қаласындағы «Алтын адам» табылған қорымға, Оңтүстік Балқаштағы орта ғасырдағы Қа­ра-Мерген, Ағаш-Аяқ, Ақ-там қалашықтарына, Кербұлақ ауданындағы аты шыққан батырлар мен тарихи өлкелерге таным саяхаттарына, Ш.Уәлиханов мұражайына, Алтынемел ұлттық қорығындағы «Айғайқұм» өлке­тану аймағына, Сарқан ауда­­нындағы М.Төлебаев, М.Ты­нышбаев атындағы тари­хи-өлкетану музейіне, І.Жан­сүгі­ровтің музейіне, Б.Римова атындағы драма театрына, көр­кемсурет галереясына, Ақмола облысындағы «Бурабай» көлі мен «Оқжетпес» тауына экспедиция­лар ұйымдастырылды. Аталған шараларға 2000-нан астам бала қатысты.

Жергілікті туризмді дамыту, туған өлкемен таныстыру мақ­сатында шілде-тамыз ара­лығында аз қамтылған, толық емес отбасылардан шыққан, сон­дай-ақ жергілікті полицияда тір­кеуде тұрған жасөспірімдерден жалпы саны 400 балаға Балқаш және Қапшағай көлдеріне дем­алуға жағдай жасалды. «Өл­ке­­тану» базалық жобасы аясын­да қыркүйек пен қараша аралығында балаларды туған өлке тарихымен туристік, тарихи орындарға жаяу саяхатқа шығу арқылы таныс­тыру мақсатында «Туған жер» клубы ашылды. 

«Туған жерге тарту» акциясын ерекше атап өткен жөн. Басты мақсат – атақты тұлғаларды, кәсіп­керлер мен меценаттарды туған жеріне, өзінің ауылының, қаласының, өңірінің әлеуметтік дамуына қатыстыру, ұлттық пат­риотизмді қалыптастыру.

Акция аясында Алакөл ауда­нының Лепсі ауылында мектеп ұстаздары мен спорт жаттық­ты­рушыларына арнайы 10 тұр­ғын үй және интернат оқыту­шыларына арналған 16 бөлмелі жатақхана тұрғызылып, қолданысқа берілді. Үшарал қаласында спорт және дене шынықтыру кешенінің құ­рылысы басталды. Ақсу ауда­нында Жансүгіров ауылының Есмұрат Сиқымов атындағы мектеп-интернаты аумағы мектеп бітірушілердің демеушілігімен көгалдандырылып, «Мәңгілік ел» аллеясы ашылды. Мектеп бітірушілер тарапынан атқа­рыл­ған мұндай іс бұрын-соң­ды болмаған. Сондай-ақ «Жан­сүгіров» қоғамдық қоры арқылы демеушілердің қаржылай көме­гімен 8 пәтерлі 2 қабатты тұр­ғын үй күрделі жөндеуден өткі­зіліп, кезектен тыс мүгедек отба­сыларға берілді. Балқаш ауданына қарасты Бояулы ауылына бастауыш мектеп, жарықтандыру желісі, балаларға арналған ойын алаңы тұрғызылып, ауыл арасы жолдарына жөндеу жұмыстары жүргізілді. Жалпы, бұл акциядан ешқандай аудан тыс қалған жоқ деуге болады. 
Тарихи-мәдени мұраны насихаттау үшін қазақтың дәс­түрлі музыкасын әлемдік музы­калық мәдениетке, халықтың бірлігі мен этносаралық қаты­насты нығайту мақсатында «Же­тісу – киелі мекенім», «Көне қала күмбірі», «Ескерт­кіштердің электронды картасы», «Электронды архив» және «Архивтер сөй­лейді», «Мәңгілік елдің мәңгілік сарыны», «Туған жерім – тұғы­рым» атты халықаралық фес­ти­вальдар, сондай-ақ «Өз елім» атты аумақтық фестиваль ұйым­дастырылуда. 

Тұрғындардың туған жер тарихын білуге, сонымен қатар тарихи-мәдени мұралардың нысандарын қорғау мақсатында «Орбұлақ шайқасының ізі­мен» атты ақпараттық квэст ұйымдастырылды. Шара аясында тарихи шайқас болған жерге ескерткіш монумент орнатылды. Жарты тонна тартатын тасқа QR код орнатылған. Код арқылы Орбұлақ шайқасы жайлы барлық деректерді білуге болады. 

«Сакралды география» ар­­­­найы жобасын іске асыру үшін облыс басшылығымен қа­­тар, тарихшылар, археолог­тар, өлкетанушылар және архи­­текторлардың қатысуымен об­лыстық сараптамалық кеңес құ­рылды. Бұл жұмыс тобының ал­ғашқы жиынында өңірлік 103 киелі нысан қараудан өтті. Кеңес мүшелерінің шешімімен 57 нысан облыстық киелі жер­лердің картасына енгізілді. Ірік­теуден өткен 6 нысан – Ақсу ауданындағы «Там­шы­бұлақ көзі» табиғи ескерт­кіші, Ж.Жабаевтың тари­хи-ме­мориалдық музейі, Жамбыл ауда­нындағы «Таңбалы» архео­логиялық ландшафттық кеше­ні, Панфилов ауданындағы «Жар­кент» музейі – сәулет-көркем­өнер мешіті, «Әулиеағаш» таби­ғи ескерткіші, Кербұлақ ауда­нындағы Ш.Уәлихановтың «Ал­ты­немел» мемлекеттік мемо­риал­ды музейі «Қазақстанның киелі жерлерінің географиясы» жо­­­басына қосу үшін «Қасиетті Қа­­зақстан» орталығына жібе­рілді.

Биылғы жылдың 24 сәуірінен бастап жылдың соңына дейін облыс әкімдігімен іс-шаралар жос­парының жүйелі кестесі құры­лып, бекітілген. 60 адамнан тұратын «Қоғамдық сананы жаңғырту» өңірлік комиссиясы құрылды. Комиссия мүшелерінің үштен бірі үкіметтік емес ұйым­­дар, қоғам белсенділері мен ғалымдар. Бұл комиссия алдағы уақытта біз тоқталған, тоқтал­маған салалар бойынша түрлі жобаларды іске асырамыз деп отыр.

Алмас НҮСІП,

«Егемен Қазақстан»

СОҢҒЫ ЖАҢАЛЫҚТАР

22.02.2018

Ұлттық банк басшысы теңге бағамына қатысты болжам жасады

22.02.2018

Тараздағы «Жеңіс» саябағы қайта жаңғыртылады

22.02.2018

Ақышев: Теңге жыл басынан бері 4%-ға нығайды

22.02.2018

Атырау облыстық театрына «Академиялық» мәртебе салтанатты түрде табысталды

22.02.2018

Мейірбек Сұлтанхан «Астана – биік төрім, Қызылорда – туған жерім!» республикалық айтыста жеңімпаз атанды

22.02.2018

Шетелдік ЖОО-лардың қазақстандық студенттерге қызығушылығы жоғары

22.02.2018

Атырауда мемлекеттік туды 91 метр биіктікке көтереді

22.02.2018

Оңтүстікте тағы үш аудан құру ұсынылды

22.02.2018

Қазақстан – БҰҰ: өзара әріптестіктің серпінді жолы

22.02.2018

Арал – Орталық Азияға ортақ мәселе

22.02.2018

Серпінді даму жолында

22.02.2018

Экология жылы қоршаған ортаны қорғауға көмектесе ме?

22.02.2018

Бард ақынның бастауы

22.02.2018

Алматы қаласының әкімі халық алдында есеп берді

22.02.2018

Даму үшін әділдік ауадай қажет

22.02.2018

Халық өз Баян сұлуын іздейді

22.02.2018

Қарағандылық тәртіп сақшылары аяғы ауыр ананың өмірін сақтап қалды

22.02.2018

Конфессияаралық диалогтың қазақстандық алаңы

22.02.2018

Буын биінің білгірі

22.02.2018

Шығыста ауыл балабақшасы айрықша ойыншықпен қамтылды

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Даму үшін әділдік ауадай қажет

Әділдік қашанда адамзаттың арманы болып келеді. Жасыратыны жоқ, кейде бір ұжым түгілі, бір отбасының өзінде әділдік кемшін қалып жатады. Осындай жағдайда оның тұтас мемлекетте орнауы орындалмас армандай көрінетіні рас.

Зарема ШӘУКЕНОВА, ҰҒА корреспондент-мүшесі

Конфессияаралық диалогтың қазақстандық алаңы

Атақты америкалық саясаттанушы Самуэль Хантингтон 1996 жылы өзінің әлемдік ғылыми қоғамдас­тық арасында кең талқылауға түс­кен «Өркениеттер қақтығысы және әлемдік тәртіптің трансформациясы» атты кітабын жарыққа шығарды. 

Сұңғат ӘЛІПБАЙ, «Егемен Қазақстан»

Қайтқан малда қайыр бар

Осының алдында газет бетінде жарияланған «Бай бол­­саң, халқыңмен бол!» атты мақа­ламызда («Егемен Қазақстан», 09.02. 2018 жыл) меншік иелері­нің елімізден астыртын жолдар арқылы шығарып әкетіп жатқан капиталының түбі оларға қайыр бермейтіндігін, қазіргі күні Батыс әлемінде жүріп жатқан саяси-эко­номикалық үдерістердің екпі­німен бұл қаржылар сол жақ­тың өзінде ерте ме, кеш пе, қақпан­ға түсірілетіндігін, ал оның идеологиясы қазірдің өзінде әзір екендігін жазған едік. 

Серік НЕГИМОВ, Қазақстанның еңбек сіңірген қайраткері

Халық тәжірибесі – құндылық

Елшіл қайраткер Смағұл Сәдуақасұлы «Сәрсенбек» атты романында (1922) бас қаһармандарының аузынан «Қазақ неше жылда нағыз Жапониядай болады», «Қазақ Жапония секілді болу үшін өзінің елдігі өзінде болу керек», «Мыңдаған, миллиондаған қазақтар жұмысшы болып істесе, өз жерінің байлығының рахатын көрген емей немене?! Бұл дегенің адам айтқысыз жаңару болар еді» дейтін пікірлер айтқызады. Ел келешегінің мүбәрак жолын меңзеген нұсқа сөз деп қабылдаған дұрыс.

Бекен ҚАЙРАТҰЛЫ, «Егемен Қазақстан»

Жүздік құрылымда рулық үлес жоқ

Жақында танымал антрополог-академик Оразақ Смағұловтың «Қазақ халқының шығу тегі» атты еңбегі жарыққа шықты. Туындыда қазақ халқы осыдан қырық ғасыр бұрын Еуразия даласында дара этнос ретінде қалыптасқаны физикалық антропология арқылы дәлелденіпті. 

Тағы да оқу

Пікірлер(0)

Пікір қосу