Руханият • 29 Қыркүйек, 2017

Сұлулыққа құштар суретші

176 реткөрсетілді

Балалармен сөйлесе қалсам, «болашақта кім болғың келеді» деп міндетті түрде сұраймын.

Олардың тап-таза әлемі, армандары, «уайымдары» маған аса қызық. Сонда бір байқайтыным, балдырғандар көбі өнерге, спортқа қызығады. Әсіресе, «суретші болғым келеді» дейтін жауаптарға ойланыңқырап қалам. Қандай қоғамда да тазалыққа, мөлдірлікке, сұлулыққа іңкәрліктің жойылмайтынына, адам баласының қаршадайынан бейсаналы түрде сондай құндылықтарға ұмтылатынына дәлел бұл. Біздің кейіпкеріміз сол жүздеген шәкірттің қиялына қанат бітіріп жүрген ұстаз. Астана қаласындағы №52 мектеп-гимназияда бейнелеу өнері пәнінен сабақ береді. 

Қайрат Жәйірбек тарихи Отанына отыздан асып барып оралған жігіт. Өз пә­нін аса сүйіспеншілікпен, жауап­кершілікпен өткізудің сыртында ол өзінің өнерін де жылдан-жылға жетілдіріп келе жатқан кәсіби суретші. Оған дәлел – Астанада, Алма­тыда өткізілген сурет көр­ме­леріне, байқауларына қаты­с­­­­уы, туындыларының қазылар алқасы тарапынан елеусіз қалмауы. Ол 2011 жылы Аста­нада өткен Дүниежүзі қазақ­тарының төртінші құрылтайы аясында ұйымдастырылған көрмеге, 2012 жылы Қазақ­стан Жастар конгресі ұйым­дастырған әлеуметтік көр­меге, 2013-2014 жылдары «Ха­­лық­аралық өнер фести­ва­­ліне» қатысып, жұмыстары жақсы бағаланғанын, 2014-2015 жылдары Астана қа­ла­сы білім басқармасы ұйым­­­­дастырған бейнелеу өне­­рі мұғалімдерінің шы­ғар­­­­­машылық көрмесінде қатарынан екі жыл Гран-при жүлдесін иеленгенін айтады. 

Қытай Халық Респуб­ликасының Тарбағатай аймағы, Дөрбілжін ауданында туған азамат алдымен қытай тілі ма­мандығы бойынша білім алған. Бірақ бойындағы суретшілік қабілет Қайратты Іле облыстық педагогикалық институтының бейнелеу өнері факультетіне оқуға түсуге жетелейді. Ол он жыл бойы Дөрбілжіндегі №2 қазақ орта мектебінде әрі қытай тілінің, әрі бейнелеу өнерінің мұғалімі болып қызмет атқарады. Сол жақта да өнерінің арқасында жақсы жетістіктерге жетеді.

Оның туындыларының ішінде живопись те, портрет те, графика да кездеседі. Ол сон­дай-ақ жиырма жылдан астам уақыттан бері өзіндегі барды шәкірт­теріне де үйретумен, өнер­дің қыр-сырына баулумен келеді. Суретші тазалыққа, сұлулыққа, еркіндікке, бастысы, өнерге ғашық жандар көп болса деп ойлайды. Салған суреттерінің де негізгі идеясы сол.

Айгүл СЕЙІЛ,
«Егемен Қазақстан»

Баннер
Соңғы жаңалықтар

Қарашақазға қамқорлық

Қазақстан • Бүгін, 17:05

Келесі кезеңге шықты

Спорт • Бүгін, 11:41

Полицейдің бір күні

Қоғам • Бүгін, 11:32

Өтімді сөз өлеңмен өрнектеледі

Руханият • Бүгін, 11:22

Көмекей әулие туралы кітап

Руханият • Бүгін, 11:17

Күйшілердің саябағы

Руханият • Бүгін, 11:17

Тіл табиғатын бұзбайды

Қоғам • Бүгін, 11:13

I Гендерлік форум өтті

Қоғам • Бүгін, 11:06

Абыройы асқақ азамат

Руханият • Бүгін, 11:06

Мақсат – жол сапасын жақсарту

Аймақтар • Бүгін, 10:52

Мақсатымыз айқын

Саясат • Бүгін, 10:37

Ердің еңсесі қашанда биік

Саясат • Бүгін, 10:34

Әке деген ұлы есім

Қоғам • Бүгін, 08:25

Ұқсас жаңалықтар