Абай атындағы драма театр Сұлтанәлі Балғабаев шығармасын сахналады

"Өнер дегеніміз – үнемі ізденіс және әрдайым алға жылжудан тұрады. Осыған орай Абай атындағы қазақ музыкалық драма театры жыл сайын өз жетістіктерімен қуантуда", дейді Абай театрының әдебиет бөлімінің меңгерушісі Еңлік Саматова.  

Егемен Қазақстан
29.09.2017 6665
2

Биыл Атырау қаласында өткен «Мәңгілік елдің алтын адамы» атты республикалық театрлар фестивалінде, Абай театрының директоры Бауыржан Түлеков басты ролді сомдап,  «Адасқан бақ құсы» спектакліндегі еңбегі үшін «Ең үздік ер адам бейнесі» номинациясына ие болды. Сонымен қатар театрың актері Сапарбек Әшімбеков  «Еңбек ардагері» медалімен марапатталыпты. Биыл театр өзінің 84-ші маусымын Сұлтанәлі Балғабаевтың комедиялық жанрдағы «Ең жақсы еркек» шығармасымен ашты. Режиссер Сұлтан Сраилов қойған спектакль көрермен ықыласына бөленіп, өзінің жоғары бағасын алды. Автор пьесада қазіргі қоғамдағы өзекті проблеманы астарлы әзілмен жеткізуге тырысқан. Оқиға Алпан кейіпкердің бойжеткендерге көз салуы, сөз салуы  арқылы  өрбіп, «Бәйшешек» клубының бір топ қыздары осы мәселені  шешу мақсатында іс-әрекетке көшеді.

Сахнада Алпанның қонақ бөлмесі. Суретші Наталия Ерчихина оқиға барысына сәйкестендіріп, заттарды ыңғайлы етіп орналастырған.  Сонымен қатар актерлердің киімін де образға сай таңдалып, кейіпкер характерін ашуға септігін тигізуде.

Алғашқы көріністе режиссер Алпан мен Гүлмайданның бақытты, қуанышты өмірін бейнелейді, кейін «Бәйшешек» клубының қыздары келген сәттен Алпанның құпиясы ашыла бастайды. Басты рольдегі Азамат Нұрғамыс пен Сұлушаш Төлекова арасындағы актерлік дуэт қойылым деңгейін арттыра түсті. А.Нұрғамыс бірде  салмақты депутат, жігіттің сұлтаны болса, бірде Мәдина-Магдалина басын дуалаған сәттен әйел жанды еркек болып шыға келеді. Бұл көрініс арқылы актер өзін сан қырынан көрсете білген. Бұған дейін де комедия жанрындағы «Сотанайдың соңғы үйленуі»(Ө.Боранбаев), «Үйлену» (Е.Жуасбек) т.б спектакльдерде ойнап, актерлік шеберлігін шыңдай түсті. Ал, Гүлмайдан роліндегі Сұлушаш Төлекова кейіпкер келбетіне сай ерекшелікті, әр іс-қимылды нанымды ойнап, жоғары деңгейде алып шықты.    

- Әрине қойылымда басты жүк актерге түседі. Автор ойын, режиссер идеясын, барлығын ұштастырып алып шығу жауаптылығы актерге жүктеледі,-дейді әдебиет бөлімінің меңгерушісі Еңлік Саматова,-Бақыт Тойымбаева бастаған «Бәйшешек» клубының бір топ қыздары спектакльдің көркін кіргізуде. Қандай қойылым болмасын, тіпті екінші пландағы кейіпкерді ойнаса да көзге түсетін Дәметкен Идрисова, бұл жолы экстрасенс-емші ролін сомадады. Өзіне берілген рольді асқан шеберлікпен орындап,  ерекшелендіріп көрсетуге тырысады. Сондай талантты актрисалардың бірі Назым Мұратханова. Оның кескін-келбеті, сызыла сөйлеуі, іс-әрекеті, көзқарасы сылқым әйелге тән құбылыс. Актриса кейіпкер жанын бойына сіңіріп, шебер көрсете алды. «Бәйшешек» клубының меңгерушісі роліндегі Бақыт Тоймбаеваның және журналист Розабану роліндегі Әсем Тұрлыбекованың кейіпкер сомдаудағы шеберлігін спектакль барысынан аңғара аламыз. Шығармада оқиға тудырушы кейіпкерлердің бірі - Ләтипажан және Айләззат. Алпанға ғашық қыздардың біреуі өлең жолдарын арнаған ақын болса, біреуі мың бұралған биші. Ләтипажан роліндегі Ақерке Ризабекова қиял әлемінде жүретін сезімтал қызды жоғары деңгейде бейнеледі. Ал, Айләззат атты кейіпкерді ойнаған Аяулым Тұрысбекованың актерлік шеберлігі бір бөлек. Шығыс биін билеген актрисаның пластикасы, темпо-ритмі өзгелерден ерекше. Және роль шығаруда аса жауаптылықпен қарап, даралануға тырысады.       

Жалпы режиссер актерлермен тығыз жұмыс жасай отыра, автордың негізгі идеясын алға тартып, замандас бейнесін бүгінгі қоғамға көрсете білген екен. Көрерменнің көтеріңкі көңіл-күйде, үздіксіз соққан қошеметі спектакльдің жоғары деңгейде өткендігін аңғартты. Абай атындағы қазақ музыкалық драма театры осылайша сапалы қойылымдарымен әрқашан көрермендерін қуантып келеді.

Раушан Нұғманбекова,

Семей

Суретті түсірген автор 

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу