Кеше Астанада Қазақстан Республикасы Президентінің Әкімшілігі Басшысының орынбасары Т.Донақовтың төрағалығымен Қазақстан Республикасы Президентінің жанындағы Құқықтық саясат жөніндегі кеңестің кезекті отырысы болып өтті.
Кеңес отырысында «Дербес деректер туралы» заң жобасы қаралды. Одан басқа, кеңесте жоғары білікті заңгер кадрларын дайындау және заңгерлік білім жүйесін жетілдіру жөніндегі шаралар туралы мәселелер талқыланды.
Аталған мәселелер бойынша Ішкі істер, сондай-ақ Білім және ғылым министрліктерінің ақпараты тыңдалды.
Өткізілген Құқықтық саясат жөніндегі кеңес отырысының ұсынымдары Қазақстан Республикасының заңнамасын және құқық қолдану қызметін әрі қарай жетілдіруде ескерілетін болады.
Қазақстан Республикасы Президентінің Әкімшілігі Мемлекеттік құқық бөлімі.