«Қазақстанды мақтан тұтамыз»

Түріктің Қа­зақ­стандағы «Жи­һан» ақ­параттық агент­тігі Қазақ­стан мен Түр­кия арасын­да­ғы ха­лық­тық дип­лома­тия­ның те­рең­дей түсуіне ай­тар­лық­тай үлес қо­сып келеді. Осы агент­тіктің өкілі Доған Йылдыз мыр­заны біз әрдайым еліміздегі барлық саяси, әлеуметтік-эконо­микалық, мә­де­ни-гуманитар­лық, спорт­­тық іс-ша­ра­ның қайнаған ор­тасынан кө­ре­міз және ол өзінің еліне барынша  шы­найы ақпарат жіберіп жатқанына се­німдіміз. Өйткені, бұл ағай­ы­ны­мыз­дың Қа­зақ­станға, қазақ халқына деген бауыр­мал, жан­ашыр  ілтипаты айрықша екенін үнемі көріп жүрміз. Жуырда Доған Йылдыздың ұйымдас­тыруы­мен, «Қазақ-Тү­рік мұнай» компаниясының қар­­­жылық қолдауымен Түр­киядан Қазақстан Тәу­­елсіздігінің 20 жыл­дығына арналған «Тарих таң­басы» атты 2009-2010 жыл­дардағы екі мемле­ке­т­тің ара­сындағы ынтымақтастық пен ықпалдас­тықтың сан қырларын көрсеткен әсем безендірілген фотоальбом жарық көрді. Біз жобаның негізгі үйлестірушісі Доған Йылдызға жолығып,  бірнеше сұрақтар қойған едік: – Бұл жобаны қолға алуға қандай себептер болды? – Екі елдің арасындағы соң­ғы жылдарда жасалған жоғары деңгейдегі іссапарлар айтар­­лық­тай нәтиже беріп келе жат­қанын білеміз. Қа­зақстан Президенті, құрметті Нұрсұлтан Назар­баев­тың: «Бүгінге дейін екі елдің қарым-қаты­нас­­тарына кедергі болатындай ешбір оқиға болған жоқ, бұдан кейін де болмайды», деген сөзінің тарихи маңызы зор. Осындай жылы қатынастар біздің осы шы­ғар­машылық істі қолға алуымызға негіз болды. – Өзіңіз қызмет ететін «Жи­һан» ақпарат агенттігінің қызметі туралы бір ауыз сөз айта кетсеңіз. – Қазақстанның Тәуелсіз­ді­гін ең алғашқы бо­лып Түркия мемлекеті танығанын білесіз. Біздің «Жиһан» хабар агенттігі сол кезден бастап өз жұ­мысын екі елдің арасында хабар тара­туға ғана арнап қоймай, Қазақ­станды Түркияға және әлемге танытуды мақсат етіп келеді. Біз Қазақстанның қысқа мер­зім­нің ішінде әлемдік зор сал­мағы бар мемлекетке айналға­нына ерекше тәнтіміз. ЕҚЫҰ Төрағасы, одан ИЫҰ-ға Төр­аға­ болған­ды­ғы­ның өзі Қазақ­станның зор беделінің көрінісі. Түркі халықтарының ішінен шық­қан осындай мемлекетті қалай мақтан тұтпассың?! Сон­дықтан біздің «Жиһан» ақпа­рат­тық агенттігі Қазақ­стан­ды барлық тұрғыдан, барлық қыр­ларынан тара­туға құмар болып отыр. Мына еңбек сол бау­ыр­ластығымыздың, өзара қарым-қатына­сымыз­дың бір белгісі болып қалсын дейміз. Әңгімелескен Жақсыбай САМРАТ.