Облыс әкімі Қырымбек Көшербаев бокстан Бакуде өткен әлем чемпионатының күміс жүлдегері Әділбек Ниязымбетовті қабылдап, ерекше сый-құрмет көрсетті. Оның ата-анасы мен жаттықтырушысы М.Жәкиевті де құттықтап, алғыс білдірді.
Қазақстан құрама командасы үшін Олимпиялық ойындарға жолдаманы жеңіп алған Ә.Ниязымбетов Ақтаудағы Ш.Есенов атындағы мемлекеттік университеттің студенті. Ол осыған дейін де түрлі халықаралық жарыстарға қатысып, бәрінде де жүлделі орындардан көрініп, жерлестерін қуанышқа кенелтіп жүрген талантты боксшы.
Шеберліктің шыңына шыққан спортшыны жастарға үлгі ете білген облыс басшысы оған Ақтау қаласынан екі бөлмелі пәтер мен «Chevrolet Cruse» маркалы жеңіл автокөліктің кілттерін салтанатты түрде тапсырды.
Жоламан БОШАЛАҚ.
Маңғыстау облысы.