Астанада Адам құқықтары жөніндегі уәкіл А.Шәкіровтің төрағалығымен ҚР-дағы Адам құқықтары жөніндегі уәкіл, Астана қаласындағы ЕҚЫҰ орталығы мен Адам құқықтары жөніндегі Дания институтының арасындағы «Қазақстан Республикасындағы Адам құқықтары жөніндегі уәкілдің (Омбудсменнің) қолдауы» жобасының аяқталуына арналған дөңгелек үстел өтті.
Дөңгелек үстел жұмысына Парламент депутаттары, мемлекеттік органдардың, халықаралық және үкіметтік емес ұйымдардың, дипломатиялық корпустың, ғылыми ортаның, бұқаралық ақпарат құралдарының өкілдері қатысты.
Дөңгелек үстелге қатысушылар атап өткендей, бұл жоба Уәкіл мекемесінің әлеуетін дамыту бойынша ұмтылыстарды бірігіп нығайттыру үшін маңызы зор болды. Жоба шеңберінде өткізілген іс-шаралар Қазақстанда Омбудсмен институтының әрі қарай институттық және функциялық дамуы үшін жағымды алғышарттар құрды.