Қазақстан • 18 Қаңтар, 2018

Атырау қаласының маңынан балабақша ашылды

865 рет
көрсетілді
1 мин
оқу үшін

Атырау қаласының маңындағы Мирас шағын ауданында бөбекжай-балабақша ашылды. Геолог ауылдық округіне қарасты жаңа елді мекенде балаларды мектепке дейінгі тәрбие ұйымымен қамту мәселесі шешімін тапты. «Нұрәлем» деп аталған жаңа нысанға 130 бала қабылданды. Мұнда бөбектер екі жастан бастап алынады. Жалпы ауданы 7 604 шаршы метр болатын балабақшада қажетті жағдайдың бәрі жасалған. 

Атырау қаласының маңынан балабақша ашылды

– Балабақшада тәжірибелі мамандармен қатар жастар да жұ­мыс істейді. Арнайы психолог кабинеті қарастырылған. Ба­ла­лар қазақ, орыс, ағылшын тіл­­дерін меңгереді, – дейді ба­ла­бақша меңгерушісі Гауһар Төле­генова.

Атырау қаласының аумағы жыл санап ұлғайып келеді. Биыл­дан бастап Балықшы және Жұмыскер ауылдық округтері Атырау қаласының құрамына кіреді. Елбасының облыс орта­лықтарынан бес шақырым қа­шықтықта орналасқан ауыл және ауылдық округтерді оң­тай­ландыруға бағытталған тапсырмаларын орындау бары­сында аталған ауылдық округтер­де тұратын 30,5 мың адам енді қала тұрғыны болып есептеледі. Бұл сәйкесінше әлеуметтік ны­сандардың қата­рын көбейту қажеттілігін де тудырары сөзсіз. Қалалық білім беру бөлімінің мәліметінше, қазір балабақша кезегінде 7 800 бала тұр. Өткен жылы облыс орталығында үш ба­лабақша пайдалануға беріл­ді. Мемлекет-жекеменшік әріп­тес­тігі аясында 20 балабақша құрылысына жобалау-сметалық құ­жат дайындалып жатыр. Де­мек, мектепке дейінгі мекеме­лер­дің жетіспеушілігі мәселесі то­лы­ғымен шешілетін күн де алыс емес.

Бақытгүл БАБАШ,

«Егемен Қазақстан»

АТЫРАУ

Соңғы жаңалықтар

Судан да сақтану керек

Қоғам • Бүгін, 22:35

Керек дерек

Digital • Бүгін, 09:50

Отандық жаңа зауыт іске қосылды

Экономика • Бүгін, 09:50

«Мен – Отан қорғаушымын!»

Байқау • Бүгін, 09:40