Мемлекет тарапынан жүргізіліп жатқан сыбайлас жемқорлыққа қарсы саясатты кең ауқымда түсіндіріп, қоғамда сыбайлас жемқорлық атты қауіпті дертке қарсы төзбеушілікті қалыптастыру мақсатындағы шараға Мобильдік және арнайы мониторинг топтарының құрамында «Маңғыстау облысының азаматтық альянсы», «Азаматтық құқық», «Туған ел», «Азамат дауысы» және басқа да үкіметтік емес ұйымдардың өкілдері болды.
Ұйымдастырушылар көлік жүргізушілеріне сыбайлас жемқорлық құқық бұзушылықтар үшін әкімшілік және қылмыстық жауапкершілік бойынша түсіндірме жүргізіп, республикалық сыбайлас жемқорлыққа қарсы қозғалысты қолдауға шақырды.
Акция барысында әлеуметтік сұхбаттар мен сауалнамалар алынып, сыбайлас жемқорлыққа қарсы ақпараттық парақшалар таратылды.
Гүлайым ШЫНТЕМІРҚЫЗЫ,
«Егемен Қазақстан»
Маңғыстау облысы
