Президент • 14 Наурыз, 2018

Бес әлеуметтік бастама Іс-қимылдың нақты жоспары - Михаил Бортник

70 реткөрсетілді

Мемлекет басшысы Нұрсұлтан Назарбаевтың бес әлеуметтік бастамасы халықты жоғары деңгейде әлеуметтік қорғауды қамтамасыз етуді көздейтін, экономикалық қуатты мемлекет қалыптастыруды мақсат еткен сындарлы саясатының жалғасы болып табылады.

Елбасының бастамалары Қазақстан халқының әл-ауқатына оң әсер ететін болады. «7 – 20 – 25» бағдарламасы көп­теген қазақстандықтардың тұр­ғын үйге қатысты өткір мәсе­лелерін шешуге арналып отыр. Еліміздегі мыңдаған адамдар қолайлы шарттар бойынша пәтер сатып алуға мүмкіндік алады. Одан басқа, мемлекеттік ин­вес­тициялық саясаттың басым-бағы­ты бола отырып, тұрғын үй на­ры­ғының басқа салаларға жанама әсері мол болады әрі аралас салаларда инвестициялық белсенділікті үдете түседі. Сон­дықтан қолжетімді ипотека тетік­терін жасаумен қоса, бұл бағ­дар­ла­ма отандық құрылыс саласы­на сер­пін береді, құрылыс материал­дары­ның өндірісі ұлғаяды, жұ­мыс орындары ашылады. 

Еліміздің орталық және сол­түстік өңірлеріне газ жет­кізу жоспары да еліміз үшін стра­те­­гиялық маңызға ие жоба. Бірін­ші­ден, көптеген қазақ­стан­дық отбасылар сенімді әрі техно­­­ло­гиялық тұрғыда өңделген отынмен қамтамасыз етіледі. Ол, әсіресе ауыл тұрғындарының тұр­­­­­мысын жеңілдетеді, үй шаруа­шылығы бойынша атқарылатын жұмыстарды анағұрлым оңай­латады. 

Екіншіден, газ құбырының бойындағы барлық шағын және орта бизнес кәсіпорындары арзан әрі қолайлы энергия көзі­не қол жеткізеді және ол өн­дірі­летін өнімнің бәсекеге қабі­лет­тілігіне оң әсер етуі тиіс. Одан кейін қалалардың ұлғаюы мен автомобильдердің көбеюіне байланысты күрт өзгерген экологияны сақтау мәселелері де шешіле бастайды. Қазақстанның мемлекеттік саясатының басым бағыттарының бірі – экологиялық қауіпсіздік мәселелері де жүзеге асады.

Президент өз сөзінде адам капи­талына, оның ішінде студент жастардың білім алуы мен дамуына ерекше назар аударды. Бүгінгі студенттер – елі­міздің, мемлекетіміздің бола­шағы. Сондықтан олардың қол­жетім­ді әрі сапалы білім алуына жағдай жасау керек. Қосымша берілетін 20 мың білім гранты еңбек нарығында сұранысқа ие қосымша ондаған мың білік­ті маманның пайда болуына, жастардың өмірден өз орнын табуына мүмкіндік береді. Одан басқа, 2022 жылдың соңына қарай 75 мың орындық қазіргі заманғы студенттік жатақхана құрылысын салу – ұзақмерзімді дамуға бет алған мемлекеттің ілкімді шарасы болып табылады. Ең алдымен, жатақхана тап­шы­лығын кешенді түрде шешу қазақстандық студенттерге шетелдік жоғары оқу орын­дарынан гөрі отандық оқу мекемелерін таңдауға мүмкін­дік береді. Білім берудің сапасы мен қолжетімділігі, стипендия мен жатақханадағы қо­лай­лы бөлмелер оқу орындарын таңдауда маңызды рөл ат­қа­ратына белгілі. Өз ақыл-ойы мен санасын Қазақстан игілігіне ар­на­­ғысы келетін дарынды жастар үшін қосымша әлеуметтік сатылар пайда болады. 

Елбасының бес әлеуметтік бас­тамасы Қазақстан халқының әл-ауқатын арттыруға бағытталған нақты әрі терең ойластырылған іс-қимыл жоспары деп білеміз.

Михаил БОРТНИК,
Парламент Сенатының депутаты

Баннер
Соңғы жаңалықтар

Біз - «BIRGE»!

Сайлау • Кеше

Сауаптан құр қалмаңыз

Руханият • Кеше

Игі істердің ұйытқысы

Руханият • Кеше

Ұқсас жаңалықтар