Қарағандыда Наурыз тойы жалғасуда

Наурыз тойында қазақ хал­қының бағзы замандардан келе жатқан салт-дәстүріне мейлінше басымдық берілді. Бұл театрландырылған қойы­лым негізінде ұйымдас­ты­рылған шараға 500-ден астам адам қатысты. Олардың бас­та­уында Сәкен атындағы қа­зақ драма театрының әр­тіс­тері жүрді.

Мерекелік шараға қа­тыс­қан өңір басшысы Ерлан Қо­ша­нов қала тұрғындары мен қонақтарына Ұлыс оң­ болсын айтып, өзінің жа­ңа­­жыл­дық жүрекжарды тілек­терін жеткізді.

Жалпы, биылғы Наурыз тойында жұртшылық, әсіресе өзге ұлт өкілдері арнайы ті­гіл­ген киіз үйлерге кіріп, он­­­да­ғы халықтың қолөнер туын­­дыларымен, ұлттық та­ғам түрлерімен жақынырақ таны­суға мүмкіндік алды. Сон­дай-ақ олар наурыз көженің дәмін татып қана қоймай, қалай дайындалатынына да қатты қы­зығу­шы­лық ­танытты.

Былай қарасаңыз, жылда қайталанатын үйреншікті көрініс­тер. Дегенмен салт­­дәс­­түр­ді, ұлттық құнды­лық­­­та­рымызды осылайша­ насихаттай бергеннен ұтыл­масымыз анық. Оның үсті­не, Наурыз тойы мұндай мүм­кіншіліктерге жолды кеңінен ашып беріп жүр. Наурыз мейрамында ұлтымыздың «Бе­сікке бөлеу», «Тұсауке­сер», «Қыз ұзату» сынды жөн-­­жоралғыларын көр­­ген өз­ге ұлт өкілдерін былай­ қой­­­­ғанда, қалада өс­кен қа­ра­көз­­деріміздің өзі ұл­ты­мызды ұлық­тайтын құн­­ды­лықтар ту­ралы мол мағ­лұмат алғаны сөз­сіз еді.

Мерекелік шара спорттық жа­рыстарсыз жетімсіреп қа­лар еді. Биылғы Наурыз мейрамында да спортшы қыз-жігіт­тердің өнеріне барынша құрмет көрсетілді. Шығыс жекпе-жегі түрлерінен, таек­вандо, каратэ, самбо­ спор­ты бойынша олар көрсет­кен­ қойылым жұрттың ыс­тық ықыласына ие болды. Шах­мат, дойбы және тоғыз­құ­малақ жарыстары да тартыс­ты өтті.

Мерекелік көңіл күйдің ажарын Алматыдан арна­йы келген эстрада ән­шісі Бақыт Шадаеваның орын­дауын­дағы тамаша әндер тіпті әрлендіре түсті. Жер­гілік­ті өнерпаздардың ұйым­дастыруымен өткен шағын кон­церт те жұрттың көңілінен шық­ты.

Қарағандыдағы сияқты об­лыстың барлық өңірінде Наурыз мейрамы өз дәре­же­сінде тойланғанын айта кеткен жөн. Кей жер­лер­дегі ауа райы­ның қо­лай­сыздығына қара­мастан, алты ай қыстан ығы­ры шы­ғып, көктемді асы­ға күткен ағайын мереке кө­рі­гін ба­рын­ша қыздыруға ат­­са­лыс­ты. Облыстың қа­ла­­лары мен аудандары, ауыл­дары биылғы Наурыз тойын барынша қызықты, жи­нақы және ысырапсыз өт­кізуді алдарына міндет етіп қойды. Бұл жерлерде де ұлт­тық салт-дәстүрлеріміз бен әдет-ғұрыптарымыздың ұлық­талуына баса көңіл бөлінді.

Жалпы, биылғы Нау­рыз мейрамына өзге ұлт өкілде­рінің де белсене қа­тысып, тойдың жалпы­ха­­лық­тық сипат алуына­ барын­ша ықылас танытқаны сүйсінтті. Біле білген адамға бұл – елі­міздегі береке-бірліктің бүгінгі күн­дегі боямасыз шындығы, шынайы бет-бей­несі.

Наурыз тойы үстіндегі шат-­шадыман көңілді облыс­ орталығында көптен бері баспана күтіп жүрген тұр­ғындардың қуанышы еселей түсті. Қаладағы «Панель-­Ор­та­­лық» тұрғын үй кеше­нінде пайдалануға берілген 192 пәтер иелерін тапты. Баспанаға ие болып, бақыттан басы айналған тұрғындардың алғашқыларына облыс әкімі Ерлан Қошанов кілтті өзі тапсырып, теледидар сыйлады. Тұрғындарды әз-Наурызбен құттықтап, әр шаңыраққа қуаныш пен бақыт тіледі.

Бұл пәтерлердің бой кө­теруі «Тұрғын­үйқұрылыс­жинақ­банкі»­ және «Нұрлы жер» бағдар­ламалары арқа­сын­да мүмкін болған еді. Ал­ғашқы болып баспанаға кезекте тұрғандар қол жет­кізді. Одан кейін банк салымшылары қоныс тойын той­лады.

Қайрат ӘБІЛДА,

«Егемен Қазақстан»

Қарағанды облысы

Суретті түсірген Линар ГАЛИМОВ