Технология • 27 Сәуір, 2018

Батыс Қазақстанға Фин технологиясы келеді

158 реткөрсетілді

Батыс Қазақстан облысының әкімі Алтай Көлгінов 26 сәуір күні Хельсинкиге барып, қалалық инфрақұрылымды дамыту, қоршаған ортаны қорғау және қалдықтарды өңдеу салалары бойынша фин тәжірибесімен танысты.

Сапар барысында әкім Финляндия Сыртқы істер министрлігі Мемлекеттік хатшысының орынбасары М.Кейняненмен кездесті. Кездесуде екіжақты әріптестікті дамыту мәселелері сөз болды.

Алтай Көлгінов Қазақстан Республикасында, соның ішінде Батыс Қазақстан өңірінде қолға алынған «жасыл» экономиканы дамытудың барысы, Мемлекет басшысы алға қойған экономиканы жаңғырту стратегиялық тапсырмасы туралы айтып берді. Осыған байланысты қалпына келтірілетін қуат көздерін пайдалану, қалдықтарды өңдеу саласын жетілдіру секілді маңызды бағыттар өңір экономикасын дамытуда басым бағытқа ие болған.

Хельсинкиде қазақстандық делегация Финляндияның «VTT» технологиялық зерттеулер орталығы әзірлеген «Смарт-сити» технологиясын ендірудің жаңа тұжырымдамасымен және қалдықтарды өңдеу өндірісімен танысты.

Эспоо қалдықтарды өңдеу орталығын аралап көрген өңір басшысы Финляндияның астанасы мен оның маңындағы елді мекендерге қызмет көрсететін «HSY» муниципальдық кәсіпорнының жұмысымен жақын танысты. Делегация басшысы Батыс Қазақстан облысы Суомимен озық технология саласындағы әріптестікті одан әрі дамытуға мүдделі екендігін білдірді. Фин жағының қатысуымен Орал қаласында іске қосылады деп күтіп отырған қалдық өңдейтін экологиялық кешенде осы заманғы ең озық технологиялар пайдаланылмақ.

Жобалаушылардың пікірінше, бұл қалдықты жинау, тасымалдау, сұрыптау, өңдеу мәселелерін қамтитын кешенді инфрақұрылым болмақ.

Сапар барысында Хельсинки қаласында Батыс Қазақстан облысы әкімдігі, Фин Бизнес-хабы және  мен «Collaprime» компаниясы арасында Әріптестік туралы үшжақты келісімге қол қойылды.

Айта кету керек, батысқазақстандықтар мен фин компаниялары әріптестігінің алғышарты 2017 жылы Астана қаласында өткен «ЭКСПО-2017» халықаралық көрмесінде жасалды. Одан кейін де Батыс Қазақстан әкімдігі мен «Collaprime» компаниясы басшылары бірнеше мәрте кездесіп, Орал қаласындағы кәсіптік-техникалық арнаулы оқу орындарында 3D-жобалау саласы бойынша оқытушылардың біліктілігін арттырып, жаңа мамандыққа даярлау дайындығы басталған болатын.

Орал қаласында «Smart City Uralsk» жобасы қолға алынып, қазірдің өзінде қала тұрғындарының өміріне ІТ технологиясы дендеп еніп барады. Финдік BIM және 3D-жобалау технологиясын Батыс Қазақстан өңірінің коммуналдық инфрақұрылымы мен құрылыс саласында кеңінен қолдану екіжақты пайдалы болары анық. 

Көптеген халықаралық сыйлықтардың жеңімпазы атанған «Collaprime» компаниясы 2016 жылы Финляндида BIM-технология бойынша ең үздік ұйым атауына ие болған.

Қазбек ҚҰТТЫМҰРАТҰЛЫ

«Егемен Қазақстан»

Батыс Қазақстан облысы

Баннер
Соңғы жаңалықтар

Тойтөбеге  саяхат 

Аймақтар • Кеше

Ай соңына дейін жұмысын аяқтайды

Аймақтар • 19 Шілде, 2019

Арыс балалары Бөбекте демалады

Аймақтар • 19 Шілде, 2019

Қарсыласы қарымды

Кәсіпқой бокс • 19 Шілде, 2019

Полицей сәбиді құтқарып қалды

Аймақтар • 19 Шілде, 2019

Тандыр наннан шеге шықты

Аймақтар • 19 Шілде, 2019

Аптап ыстықта өрт көбеюі мүмкін

Аймақтар • 19 Шілде, 2019

Игі істің игілігін көруде

Аймақтар • 19 Шілде, 2019

«Жәрдем» жобасының жәрдемі

Аймақтар • 19 Шілде, 2019

Әкімдерге бағаны халық беруі керек

Қазақстан • 19 Шілде, 2019

Жер құнарын жақсарту қажет

Қазақстан • 19 Шілде, 2019

«Jastar kerýeni» жолға шығады

Аймақтар • 19 Шілде, 2019

Жаңа мүмкіндіктерге жол ашады

Қазақстан • 19 Шілде, 2019

Ұқсас жаңалықтар