Бастауыш сынып оқушыларының зерттеушілік қабілетін дамыту мақсатында өткізілген байқауға аудандық жеңімпаздардың 40-тан астам зерттеу жобалары ұсынылды. Жас талапкерлер арасынан жеңімпазды анықтау әділқазыларға оңайға соққан жоқ. Сарапқа түскен жұмыстар арасынан ең үздіктері анықталды.
«Тірі табиғат» номинациясы бойынша: І орынды № 196 мектептен Л.Ханаева, № 89 мектептен С. Шиянова, ІІ орынды Қ. Яссауи атындағы №123 мектеп-гимназиясынан Ә.Жеткерген, №53 мектеп-гимназиясынан Б.Нұрғазы, ІІІ орынды «Достар» Халықаралық мектеп лицейінен В.Ким, «Zerde» мектеп-гимназиясынан Ә.Қайратұлы, № 66 мектептен Д.Володин иеленді.
«Мен және менің әлемім» номинациясы бойынша: І орынды №120 гимназиядан – Ж.Ізбасар, И.Жансүгіров атындағы №130 гимназиядан М.Голоскоков бөлісті. ІІ орынды №120 гимназиядан – У.Летина, №149 мектептен –А.Саятбек, ал ІІІ орынды №160 мектеп оқушысы Д.Касилов, №70 мектептен – Д. Муратов, №103 мектептен – Р.Ахмадова, №194 мектептен – Б. Кузьмин, № 142 мектептен А. Қырғызбай иеленді.
«Математика, ғылым, техника» номинациясы бойынша: І орын № 76 мектептен Р.Омарбай мен № 177 мектептен А.Рустамұлына берілсе, ІІ орынды № 90 мектеп-лицейінің оқушысы – А.Руслан, № 141 мектептен Б. Руслан иеленді. ІІІ орынды № 149 мектептен І. Тоба, И.Жансүгіров атындағы № 130 гимназиядан Р.Маметов, № 77 мектептен Т.Кадыров бөлісті.
Марапаттау сәтінде құттықтау сөз сөйлеген «Нұр Отан» партиясы Әуезов аудандық филиалы төрағасының бірінші орынбасары Н.А.Ордабаева және институт директоры Р.А.Садвакасова жеңімпаздарға Құрмет грамоталарын табыс етті. Конкурс демеушісі «Алтын кітап» баспасының бас редакторы В.З.Титенев жеңімпаздарға арнайы сыйлықтар табыстады.
Эльвира Серікқызы,
«Егемен Қазақстан»
АЛМАТЫ
