Алдымен Түркиядан тарауых намаз оқып, хатым құран түсіруге келген қарилар құран оқып, одан кейін облыс әкімінің орынбасары Мадияр Қожахмет, ардагерлер кеңесінің төрағасы Ескендір Елеусізов, Зейнолла қажы Олжабаев, шешен-ингуш, әзірбайжан, татар-башқұрт, түрік, қырғыз этномәдени бірлестіктерінің жетекшілері мұсылман жамағатын ораза айының басталуымен құттықтады. Олар өз сөздерінде жиналғандарды мейірімділік, бауырмалдық қасиеттерге үндеді.
Облыстың өкіл имамы, Қызылжар мешітінің бас имамы Кенжетай қажы Дүйсенбай өз сөзінде онекі айдың төресі-Рамазан айының сансыз мол сауабы жайлы тартымды әңгімелеп берді. Жетім-жесірлерге шын ықыластарымен көмектесіп, дастархан жайып жүрген Асқар Медиев, Жомарт Қажырахымов, Серік Ескендірұлы секілді азаматтардың атына ризашылық білдірді. Қайырымдылық шараларына белсене қатысып жүрген бір топ адамға алғыс хаттар мен ескерткіш сыйлықтар тапсырылды.
Диаспора өкілдері тұрмысы төмен отбасылар мен аз қамтылған жандар үшін ауызашар өткізетіндерін, басқа да қайырымдылық шараларын ұйымдастыратынын жеткізді.
Өмір Есқали,
«Егемен Қазақтсан».
Солтүстік Қазақстан облысы.
