IT-технологиясын дамытуға арналған шараға кәсіпкерлер палатасы, жастар ресурстық орталығы, білім басқармасының өкілдері қатысты
«Стартап – бизнестегі жаңа бағыт, оның мақсаты қысқа мерзімде салынған инвестицияның орнын толтырып, пайда табу. Оның ашылуы студенттер мен бизнес өкілдерінің арасында тиімді байланыс орнатып, тың идеялар мен өміршең жобаларды іске асыруға мүмкіндіктер тудырады. Рухани жаңғыру бағдарламасы кітапханаларды соны бағытта білім алу орталығына айналдыру талабын қойып отыр. Бұл орайда цифрлы Қазақстан жобасы үлкен маңызға ие», деді өз сөзінде облыс әкімінің орынбасары Мадияр Қожахмет.
«Профит» фирмасының директоры Антон Юсичевтің айтуынша орталықтың басты бағыттарының бірі– өз жобасын іске асыра алмай жүрген жастарға көмек беру. Инновациялық жобаларды іске асыру үшін 3Д принтерлері, микрокомпьютерлер, жоғары технологиялық заманауи құрылғылар орнатылған. Ақыл-кеңес қызметтері де көрсетіледі.
Ең бастысы, жастар үшін өте қолайлы болмақ. Қазірдің өзінде оның көмегіне жүгінушілер көп. Озық жобаларды іске асыру арқылы инвестиция тарту, инновациялық бағытты дамыту жолдары қарастырылған.
Өмір ЕСҚАЛИ,
«Егемен Қазақстан»
